nepal life 2076 3 18

Error message

  • Deprecated function: Methods with the same name as their class will not be constructors in a future version of PHP; views_display has a deprecated constructor in include_once() (line 3478 of /home/newahub/public_html/includes/bootstrap.inc).
  • Deprecated function: Methods with the same name as their class will not be constructors in a future version of PHP; views_many_to_one_helper has a deprecated constructor in require_once() (line 113 of /home/newahub/public_html/sites/all/modules/ctools/ctools.module).
  • Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

होसियार ! येँय् पल्सर बाईक गयाः वइपिं लुटेरापिं अप्वल

नेवा: अनलाइन न्युज | २०७६ जेठ १२, आइतबार १३:०३:१८

धुम्बाराहीया क्षेत्रमाया गुरुङ लँपुइ न्यासि वनाच्वंगु इलय् ककुइ क्वखायातःगु लुँया सिखः सुनां झ्वाट्ट चफुनाः यंकल । ‘खुँ खुँ’ धाधां क्षेत्रमाया गुरुङया साढे २ तोलाया लुँया सिखः चफुनाः लुटेयानाः बिस्युं वन ।

मंगलवाः बानियाँटारय् च्वंगु जलपा चोकय् न्यासि वनाच्वंम्ह मीनाकुमारी गुरुङ लुटेजुल । पल्सर मोटरसाइकलय् वःपिं निम्हेस्यां मीनाकुमारीया ककुइ क्वखायातःगु डेढ तोलाया लुँया लकेट लिसेंया सिखः चफुनाः यंकाः बिस्युं वन । ग्वाहालि ग्वाहालि धकाः हाःबलय् मोटरसाइकल यक्व हे तापाक्क वनेधुंकल ।

वंगु चैत्र १३ गते बोद्ध तुसालय् याङजी शेर्पाया साढे २ तोलाया सिखः लुटेयात । मनूत वये वनेगु म्हो जूगु मौका लाकाः पल्सर बाईकय् वःपिं निम्हेस्यां याङजीया सिखः ककुं चफुना कयाः बिस्युं वंगु खः ।

थ्व स्वंगुलिं घटना उदाहरण जक खः । चैत्र निगूगु वाःनिसें जेठया न्हापांगु वाःतक डेढ महिनाया ई दुने स्वनिगलय् ९ गू लुँया सिखः लुटपाटया घटना जूगु दु ।

प्रहरीं फुक्क घटनाया अभियुक्तपिन्त ज्वनेफूगु मदुनि । तांन्वःगु ई वयेधुंकाः सिखः लुटेयाइपिं अप्वःगु विश्लेषण प्रहरीया दु । महानगरीय प्रहरी अपराध महाशाखा व प्रहरी परिसर टेकुं घटनाया अनुसन्धान यानाच्वंगु दु । प्रहरीं फयांफक्व सक्कली तिसां तिया लँपुइ जुइबलय् सावधानी छ्यलेत तःक्वःमछि सर्वसाधारणयात सचेत याकाः वयाच्वंगु दु ।

महाशाखाया एसपी सोमेन्द्र सिंह राठौरं सिखः लुटपाटया घटनाया अनुसन्धा जुयाच्वंगु धाःगु दु । एसपी राठौंरं धयादी, “तांन्वःगु ई सुरु जुइखं सिखः लुटपाटया घटना सुरु जुइ । एकान्त थासय् सिखः क्वखानाः वइपिं मनूत लुटेराया निशानाय् लाइ ।”

पुलांगु सिखः लुटपाटया घटनाय् गिरफ्तारीइ लाःम्ह अभियुक्तया अभिलेख स्वयाः अनुसन्धान न्ह्यःने वंगु जानकारी एसपी राठौंरं ब्यूगु दु ।

राठौरं धयादी, “जिमिसं तियाः तयाः लँपुइ न्यासि जुइमते धायेमखखु । तर सर्वसाधारण थःहे सचेत जूसा लुटपाटया घटना जुइमखु । प्रहरीं विशेष पुचः दयेकाः अनुसन्धान न्ह्याकागु दु ।”
म्हाशाखाया कथं लुटेरां फयांफतले सीसीटिभी मदूगु थासय् व सनिलया इलय् लुटपाट यानाः वयाच्वंगु दु ।

ऋझ नं सिखः लुटपाटया घटना जुइफूगु आँकलन यासें महाशाखा, येँ, यल व ख्वप प्रहरीयात अलर्ट याःगु दु ।

अन्नपूर्ण पोष्ट राष्ट्रिय न्हिपौ

Categorized in पत्रपत्रिका