ad 2076 5 18

हेपाटाइटिस पाखें गुकथं बचे जुइगु

नेवा: अनलाइन न्युज | २०७२ पौष १२, आइतबार २१:०६:०८

हेटाइटिस छगू ल्वयया नां खः, थ्व ल्वयं कल छाःमा सुनं मस्ततय्गु  ज्यान तकं वनेफू । हेपाटाइटिस धइगु छगू लिवर नाप स्वापू दुगु ल्वयया नां खः । हेपाटाइटिस निगू कथंया दु, हेपाटाइटिस ए थ्व ए वायरसया वेक्टिरा पाखें जुइगु ल्वय खःसा हेपाटाइटिस बी हि पाखें जुइगु ल्वय खः । थ्व ल्वय हि टा«न्सफ्युजन, संक्रमण इनजेक्शन पाखें जुइगु खः ।
हेपाटाइटिस ल्वय जुइबलय् मनूतय्त जुइगु लक्षण अनावश्यक त्यानुसे च्वनीगु , छयों स्याइगु भचा भचा ज्वर वयाच्वनीगु, मिखा म्हासुचां वनेगु, ख्वाःया चवयेच्वंगु ला ग्वारा स्याइगु, म्हुतु मसाइगु अले तौल महो जुजु वनेगु, पचे यायेगु शक्ति म्हो जुजु वनीगु थथे जुयाच्वंगु इलय् वासः वांलाक मयात धाःसा हेपाटाइटिसया विषाणु न्ह्यपुइ तक न्यना मनू वेहोसतक जुइ ।
थ्व ल्वय अप्वः धइगु मस्ततय्त जुइगु ल्वय खः । मचाबलय् हेपाटाइटिस पाखें बचे जुइगु वासः वांलाक यायेमफूत धाःसा थ्व ल्वयं वामलांक लिच्व लाकी ।
हलिमय न्यंक हे थ्व ल्वय पाखें वचे जुइगु नितिं तच्वकं प्रचार प्रसार यानाः थ्व ल्वयया रोकथामया नितिं थीथी स्वास्थ्य टोली तय्गु पुचः छ्वयेगु यानाच्वंगु दु ।
थ्व ल्वय पाखें वचे जुइगु नितिं मस्ततय्त नये न्ह्यः बा.लाक ल्हा सिइकेगु यायेमाः अथे हे नयेगु त्वनेगु चिजय् सरसफाइया ध्यान तयेमाः, त्वनेगु लं फयाफतलय् दायेका त्वनेमाः, विशेष यानाः सिसाफुसा नये न्ह्यः सिसाफुसायात बालाक लखं सिला नयेमा छाय् कि सिसाफुसाय् ब्याक्टेरिया च्वनाच्वनीगु अप्वः सम्भावना दु । मस्ततय्त नियमित कथं हेपाटाइटिसया इन्जेक्शन बिइगु यायेमाः ।
थ्व ल्वय पाखें वचे जुइगु नितिं विशेष यानाः सरसफाइलय् ध्यान बिइ हे माः मस्ततय्त म्हति नं दंय् निक्व हेपाटाइटिसया विरुद्ध इन्जेकशन विइगु यायेमाः । हेपाटाइटिस ल्वयया अन्तिम स्थिति धइगु झिगू म्हय्या दुगु फोहोर पर्दाथ पिहांवये मफया, दुने हे लानाच्वनेवं म्ह मफया वनेगु खः ।