nepal investment baink

हानं हयेत्यंगु गुथि बिधयेकयात कयाः येँया मेयर व सांसदपिं दत्थुइ सहलह

नेवा: अनलाइन न्युज | २०७६ मङ्सिर ३०, सोमबार २१:४०:१३

गुथि विधयेक विरुद्ध संघर्षया भ्वलय् वंगु असार ४ गते जनप्रदर्शनया नेतृत्व याःगु गुथि विधयेक विरुद्ध एकीकृत आन्दोलनं नेकपाया स्वनिगया संघीय व प्रदेश नेवाः सांसदपिं व येँ महानगरपालिकाया मेयर नाप थौं आइतवाः छगू दथुइया दथुइ सहलह ब्याकुगु दु ।

भूमी व्यवस्था, सहकारी तथा गरिबी निवारण मन्त्रीं संसदया हिउदे अबिधेशनय् हाकनं गुथि विधयेक न्ह्यब्वयेगु कथं राय सुझाब कायेगु ज्या न्ह्याकुगु हुनिं गुथि बिधयेक विरुद्ध एकीकृत आन्दोलनं नं थःपिनिगु सक्रियता अप्वयेकुगु खनेदु । याकनं हे मेगु राजनीतिक दल आबद्ध जनप्रतिनिधिपिं नाप नं सहलह यायेगु ज्याभ्वः दुगु एकीकृत आन्दोलनया दुजः उमेश स्थापितं कनादीगु दु । छु न्हि न्ह्यो एकीकृत आन्दोलनया प्रतिनिधि मण्डलं भूमी व्यवस्था, सहकारी तथा गरीबी निवारण मन्त्री पद्मा कुमारी अर्यालयात नाप लाना सरोकारवालापिनिगु सहमति मकासे गुथि विधयेक सम्बन्धि छुं न ज्या मन्ह्याकेत खबरदारी पौ लःल्हाःगु खः ।

थौं या सहलह ज्याभ्वलय् गुथि विधयेक बिरुद्ध एकीकृत आन्दोलनया सल्लाहकारपिं हितकरविर सिं कसाः, जनकबि दुर्गालाल श्रेष्ठ, मल्ल के सुन्दर, डा. पुष्पराज राजकर्णिकार कजि डा. महेशमान श्रेष्ठ व दुजःपिनिगु उपस्थित दुगु खःसा सघीय सांसदपिं जिबनराम श्रेष्ठ, कृष्णगोपाल श्रेष्ठ, येँ महानगरपालिकाया मेयर विद्यासुन्दर शाक्य, प्रदेश सांसदपिं बसन्त मानन्धर, राजेश शाक्य, राजकाजी महर्जन, डा. अजय क्रान्ति शाक्यपिनिगु उपस्थिति दुगु खः ।

सहलह ज्याभ्वलय् जनप्रतिनिधिपिसं म्हिगः नं सरोकारवालपिं नाप सहलह मयासे हःगु गुथि विधयेक लित कायेकेत भूमिका म्हितागु व गुथि सम्बन्धि नेवाः अवधारणा बुदागत रुपं वल धाःसा सरकार व संसदय् खँ थ्यकेगु बचं वियादिल धाःगु दु । एकीकृत आन्दोलनया नेतृत्वं नेवाःतय्गु नितिं बिस्कं गुथि सम्बन्धि बिधयेक हयेमाःगु खँ न्ह्यथंगु धाःगु दु । 

 

Categorized in राष्ट्रिय