chetrapa55

हानंं गुथि बिधेयक हयेत्यंगुलिं भूमि सुधारमन्त्रीयात नेवातय्गु पाखें खरवदारी (भिडिओ)

नेवा: अनलाइन न्युज – निश्चल | २०७६ मङ्सिर १९, बिहिबार १८:०९:२३

नेपाल सरकारं हाकनं गुथि बिधयेक हयेत्यंगु बुखँ वयाच्वंगु खँय. नेवाःतय्सं गम्भिर च्यूता प्वंकुगु दु । थौं थ्व सिबें न्ह्यो गुथि बिधयेकया विरोध सभा ग्वसाः ग्वःगु गुथि बिधयेक विरुद्ध संयुक्त आन्दोलनया नेतृत्वय् भुमि व्यवस्था, सहकारी तथा गरिबी निवारण मन्त्री पद्मा अर्यालयात नापलाना खबरदारी पौं लःल्हाःगु दु । 

संयुक्त आन्दोलनया कजि डा. महेशमान श्रेष्ठया ल्हाचिं दुगु खबरदारी पौखय् सरोकारवाला नेवाः समुदायया सहमति मकासें पितहइगु विधयेक अस्वीकार्य जुइगु व नेवाःत आन्दोलनय् वनेत बाध्य जुइगु खँ न्ह्यथनातःगु खः । गुथि संस्थान ऐन, जग्गा प्राप्ति ऐन, मालपोत ऐन, भुमि व्यवस्था ऐन, जग्गा नाप जाँच ऐन लगायत जग्गा नाप स्वानाच्वंगु ऐन छथाय् तयाः एकीकृत भूमि व्यवस्था ऐन हयेत्यंगुयात सरकारं नेवाःतय्त जमिन विस्थापित यायेगु षडयन्त्रया रुपय् मनूतय्सं थुइका च्वंगु दु ।

खबरदारी पौ लःल्हानाकासें मन्त्री पद्मा अर्यालं सरकार व नेवाःतय् च्यूता गुथि व्यवस्था धर्म सँस्कृति जात्रा पर्व परम्परा मस्यनेमाः धैगु जूगुलिं सहलह यानाः बाँलागु विधयेक हयेफइगु विश्वास प्वंका दिल ।  थ्व सिबें न्ह्यो विधयेक हयाबले सरोकार दुपिं नाप सहलह यायेमफुगु कमजोरी खँ धासें आः सहलह मयासें छुंकथंया ज्या मन्ह्याइगु खँय् विश्वस्त जुइत इनाप यानादिल व निजी गुथिइ सरकारं हस्तक्ष्प यायेत्यन धैगु खँ सत्य मखुगु खँ नं वय्कलं न्ह्यथनादिल ।

खबरदारी पौ लःल्हायेत वंगु पुचलय् जनकवि दुर्गालाल श्रेष्ठ, नेवाः न्ह्यलुवा हितकरवीर सिं कसाः, पवित्र बज्राचार्य, बौद्ध विहार संघया सुरेन्द्र शाक्य, सुजिव बज्राचार्य, गणपतिलाल श्रेष्ठ, सुमन साय्मि, उमेश स्थापित, रविन्द्र श्रेष्ठ लगायत आपाल आन्दोलनया न्ह्यलुवापिनिगु उपस्थिति दुगु खः । 

थन क्लिक यानाः स्वयादिसँ भिडिओ

 

Categorized in स्थानिय-समाज