swastha 76 12 19

हलिंन्यंकं आःतकया दुने कोरोनापाखें १६,५५८ म्हेसिगु ज्यान वन

नेवा: अनलाइन न्युज – ललेन्द्र शाक्य | २०७६ चैत्र ११, मंगलबार १५:२७:३८

हलिंन्यंकं महामारीया रुपं ब्वलनाः वयाच्वंगु कोरोना भाइरसया संक्रमणया हुनिं थौं मंगलवाःतकया दुने १६,५५८ म्ह मनूत सीधुंकूगु दु ।

विश्व स्वास्थ्य संगठनं सार्वजनिक याःगु धलः कथं हलिंन्यंकं ३ लख ८१ हजार ७६१ म्ह कोरोना भाइरस संक्रमित जूगु दु ।

संक्रमित मनूतमध्ये १ लख २ हजार ४२९ म्ह मनू वासः यायेधुंकाः छेँय् लिहाँ वनेधुंकूगु दु । २ लख ६२ हजार ७७४ मनू आः संक्रमित जुयाच्वंगु दु । कोरोना भाइरस कोभिड १९ या संक्रममण आःतक १९२ गू सिबें अप्वः देसय् खनेदये धुंकूगु दु । चीनया हुबेई प्रान्तया बुहान शहरं सुरु जूगु कोभिड १९ यात विश्व स्वास्थ्य संगठनं ‘विश्वब्यापी महामारी’या संज्ञा ब्यूगु दु ।
चीनया हुबेई प्रान्तया बुहानं सुरु जूगु कोरोना भाइरस संक्रमपणपाखें चीनन्यंकं ३ हजार २७७ म्ह मनूत सीगु दुसा ८१ ह्जार १७१ म्ह संक्रमित जूगु दु । थौं मंगलवाः वःगु छगू बुखँ कथं ७३ हजार १५९ म्ह मनू वासः यायेधुंकाः छेँय् लिहाँ वंगु दु ।

आः कोरोना भाइरसया हुनिं अतिकं लिच्वः लानाच्वंगु युरोपया इटालीइ थुगु ल्वय्या संक्रमणया हुनिं ६ हजार ७७ म्ह मनूत सीधुंकूगु दु । आः ६३ हजार ९२७ म्ह संक्रमित जुयाच्वंगु दु । थौं मंगलवाः वःगु छगू बुखँ कथं ७ जार ४३२ म्ह मनू वासः यायेधुंकाः छेँय् लिहाँ वंगु दु ।

इरानय् कोरोना भाइरसया संक्रमणया हुनिं १ हजार ८१२ म्ह मनूत सीधुंकूगु दु । आः १२ हजार ८६१ म्ह मनूत संक्रमित जुयाच्वंगु दुसा ७ हजार ३७६ म्ह मनूत वासः यायेधुंकाः छेँय् लिहाँ वंगु दु ।

कोरोना भाइरसया संक्रमणया हुनिं स्पेनय् २ हजार ३११ म्ह मनूत सीगु दु । आः २९ हजार ४७० म्ह मनूत संक्रमित जुयाच्वंगु दु । थौं मंगलवाः वःगु छगू बुखँ कथं ३ हजार ३५५ म्ह मनूत वासः यायेधुंकाः छेँय् लिहाँ वनेधुंकूगु दु ।

जर्मनीइ कोरोना भाइरसया संक्रमणया हुनिं १२३ म्ह मनूत सीगु दुसा आः २८ हजार ४८० म्ह संक्रमित जुयाच्वंगु दु । थ्वहे झ्वलय् ४५३ म्ह वासः यायेधुंकाः छेँय् लिहाँ वंगु दु ।

संयुक्त राज्य अमेकिारय् कोरोना भाइरस संक्रमणया हुनिं ५८२ मनूत सीगु दुसा आः ४५ हजार २६८ म्ह संक्रमित जूगु दु । अथेहे, २९५ म्ह वासः यायेधुंकाः छेँय् लिहाँ वंगु दु ।

फ्रान्सय् कोराना संक्रमणया हुनिं ८६० म्ह सीगु दु । थौं मंगलवाः वःगु छगू बुखँय् १६ हजार ७९६ म्ह संक्रमित जूगु दुसा २ हजार २०० म्ह वासः यायेधुंकाः छेँय् लिहाँ वंगु दु ।

दक्षिण कोरियाय् कोरोना भाइरस संक्रमणया हुनिं १२० म्ह मनूत सीगु दु । ५ हजार ४१० म्ह संक्रमित जूगु दु । सोमवाः वःगु छगू बुखँया कथं ३ हजार ५०७ म्ह वासः यायेधुंकाः लंगु दु ।

स्वीट्जरल्याण्डय् कोरोना संक्रमणया हुनिं १२० म्ह मनूत सीगु दुसा ८ हजार ५४४ म्ह संक्रमित जूगुलि १३१ म्ह वासः यानाः छेँय् लिहाँ वंगु दु ।

बेलायतय् कोरोना संक्रमणया हुनिं ३३५ म्ह मनूत सीगु दुसा ६ हजार १८० म्ह संक्रमित जूगु दु । अथेहे, १३५ म्ह वासः यायेधुंकाः छेँय् लिहाँ वंगु दु ।

नेदरल्याण्डय् थुगु भाइरस संक्रमणया हुनिं २१३ म्ह मनूत सीगु दुसा ४ हजार ५३४ म्ह संक्रमित जूगुलि निम्ह वासः यानाः छेँय् लिहाँ लिहां वंगु दु ।

अष्ट्रियाय् थुगु भाइरसया हुनिं २१ म्ह मनूत सीगु दुसा ४ हजार ४४४ म्ह संक्रमित जूगु दु । अथेहे, ९ म्ह वासः यानाः छेँय् लिहाँ वंगु दु ।

बेल्जियमय् कोरोना भाइरस संक्रमणपाखें ८८ म्ह मनूत सीगु दुसा ३ हजार २५४ संक्रमित जूगुलि ४०१ म्ह वासः यानाः लंगु दु ।

नर्वेय् कोरोनाया हुनिं १० म्ह सीगु दुसा २ हजार ६०१ म्ह संक्रमित जूगु दुसा ६ म्ह वासः यानाः छेँय् लिहाँ वंगु दु ।

कोरोना भाइरस संक्रमणया हुनिं अष्ट्रेलियाय् ८, ब्राजिलय् ३४, स्वीडेनय् २७, पोर्चुगलय् २३, क्यानाडाय् २४, डेनमार्कय् २४, मलेसियाय् १४, आयरल्याण्डय् ६, पोल्याण्डय् ८, ग्रीसय् १७, इन्डोनेसियाय् ४९, फिलिपिन्सय् ३३, हङकङय् ४, इराकय् २३, पानामाय् ६, अर्जेन्टिनाय् ४, लेवनानय् ४, संयुक्त अरब इमिरेटसय् २, ताइवानय् २, सानमरिनोमाय् २०, हंगेरीइ ८, मोरोक्कोय् ४, अफगानिस्तानय् १, नाइजेरियाय् १, बंगलादेशय् ३, घानाय् २, सुडानय् १ लिसें भारतय् ४ म्ह मनूत आःतकया दुने सीधुंकूगु बुखँय् जानकारी ब्यूगु दु ।

Categorized in अन्तर्राष्ट्रिय