nepal lifef 2076 8 8

स्वनिगलय् खुँत अप्वल

नेवा: अनलाइन न्युज | २०७६ श्रावण २८, मंगलबार १३:१२:४८

देय् न्यंकं खुगु, खुइगु घटनालिसें खँुत अप्वयाः वःगु दु ।

प्रहरी प्रधान ज्याकुथिं ब्यूगु जानकारी कथं आर्थिक दँ २०७५–०७६ य् खुँया घटनाय् २६४६ मनू विरुद्ध मुद्दा दायर जूगु खः । मुद्दा दायर जूपिंमध्ये साधारण खुँज्याय् अप्वः लाःगु दु । साधारण खुइगु ज्याय् २१४२ म्ह विरुद्ध मुद्दा दायर याःगु खः ।

अथेहे, डाँका चोरी १९९, नकबजनी चोरी १५५, सवारी चोरी १२३, चौपाया चोरी ११, पुरातात्विक चोरी ४ व रहजनी चोरीइ ३ म्ह विरद्ध मुद्दा दायर याःगु खः ।

केन्द्रीय प्रहरी प्रवक्ता, प्रहरी नायब महानिरीक्षक विश्वराज पोखरेलं बहनीया इलय् सिबें न्हिनय्या इलय् अप्वः खुँज्या जुइगु जुयाच्वंगु धाःगु दु । पोखरेलं धाःगु दु, “न्हिनय् छेँय् सुं मदूगु अवस्था लाकाm आपालं खुइगु ज्या जुइगु जुयाच्वंगु दु ।”

प्रहरीं आर्थिक दँ २०७४–०७५ य् चोरीया घटनाय् १६२८ म्ह मनूत विरुद्ध मुद्दा दायर याःगु खः । स्वनिगलय् ८८८ म्ह विरुद्ध मुद्दा दायर याःगु खः ।

महानगरीय प्रहरी ज्याकुथि लानिपुखू नं ब्यूगु जानकारी कथं येँ, यल व ख्वपय् साधारण चोरीइ ६७९, मोटरसाइकल चोरीइ ५१, नकबजनी चोरीइ ३६, डाँका चोरीइ ८७ म्ह विरुद्ध मुद्दा दायर याःगु खः ।

ज्याकुथिया प्रवक्ता व प्रहरी बरिष्ठ उपरीक्षक श्यामलाल ज्ञवालीं विगतया दँय् सिबें स्वनिगलय् संगठित रुपं जुइगु चोरीया घटना म्हो जूसां नं साधारण चोरीया घटना धाःसा म्हो मजूगु धाःगु दु ।

Categorized in दुर्घटना-अपराध