chetrapa55

स्वनिगय् ट्राफिक प्रहरीयात ‘हाकू सुलचं’

नेवा: अनलाइन न्युज | २०७६ श्रावण २१, मंगलबार १२:५७:०२

नेपाल प्रहरीं स्वनिगलय् ज्या यानाच्वंपिं ट्राफिक प्रहरीयात ‘हाकू सुलचं’ (चस्मा) इनाब्यूगु दु ।

स्वनिगलय् दूगु धू, कुँपाखें बचेजुइगु नितिं महानगरीय ट्राफिक प्रहरी महाशाखाय् ज्या यानाच्वंपिं ट्राफिक प्रहरीयात हाकू सुलचं इनाब्यूगु खः ।

प्ररी महानिरीक्षक सर्वेन्द्र खनालं ट्राफिक) प्रहरीयात नमूना संगठनया रुपं विकास यायेगु नीति कथं स्वनिगलय् ज्या यानाच्वंपिं फुक्क ट्राफिक प्रहरीयात हाकू सुलचं इनाब्यूगु खः ।

महाशाखाया प्रमुख लिसें प्रहरी बरिष्ठ उपरीक्षक बसन्तकुमार पन्तं स्वनिगःया धूलिसें कुँपाखें बचेजुइत व सतकय् ‘स्मार्ट’ खनेदइगु जूगुलिं उगु सुलचं इनाब्यूगु जानकारी ब्यूगु दु ।

आः स्वनिगलय् जक १४०० या हाराहारीइ ट्राफिक प्रहरी ज्या यानाच्वंगु दु ।

Categorized in बजाः