nepal lifef 2076 8 8

स्थानीय तहया चुनावया झ्वलय् न्ह्याइपुगु खँ

२०७४ जेठ ५, शुक्रबार १४:०२:५१

छगू इलय् ‘तरकारी वाली मिसा’ कथं सामाजिक संजाल फेसबुकय् भाइरल जूम्ह कुसुम श्रेष्ठ माओवादी केन्द्रया कार्यकर्ता जूगु थुगु चुनावं सीदत ।

गोरखा गण्डकी गाउँपालिका भुम्ली चोकया कुसुम स्थानीय चुनावय् माओवादी केन्द्रया प्रचारय् जुयाच्वंगु खनेदतसा कुसुम थःगु परिवार माओवादी केन्द्रया राजनीतिक पृष्ठभूमि दूगुलिं परिवारं यानाच्वंगु राजनीतिइ हे तक्यनाः प्रचार प्रसार याःगु खनेदन ।

चुनाव ज्वःछि माओवादीया प्रचारया टिशर्ट व इँचा मुगः दूगु ध्वाँय् ज्वनाः प्रचार याःगु खः कुसुमं ।

 येँ महानगरपालिकापाखें मेयरया उम्मेदवार ब्यूम्ह हिमालय टाइगर कथं नांजाःम्ह भरत बिसुराल थुगु चुनावय् थःपिन्सं अपेक्षा याःगु कथं भोट मवयेवं निराश जूगु दु । वय्कलं उम्मेदवारी ब्यूगु महानगरबासीपिन्सं बांलाक्क मस्यू ।

चुनावय् तसकं म्हो भोट वयेवं आः थःपिं छगू तःधंगु पार्टीइ दुहां वनाः राजनीति यायेगु खँ कनादीगु दु । थ्वया न्ह्यः नं संविधानसभाया चुनावय् हिमालय टाइगरं १० ल्याः क्षेत्रं सभासदया उम्मेदवारी ब्यूगु खः ।

विवेकशील दलया येँ महानगपालिकाया मेयर उम्मेदवार रञ्जु दर्शना चुनाव प्रचार प्रसारया झ्वलय् रञ्जुया ल्यूने दर्शना धकाः तयातःगु खःसा चुनावय् उम्मेदवार दर्ता यायेवं न्यौपाने थर पिहां वल ।

रञ्जु चुनावया न्हिइ हे सकता कथं यातायात बन्द्र जूगु इलय् ट्याम्पोय् च्वनाः भोट कुर्कः वन धकाः पुलांगु किपाः तयाः प्रचार प्रसार यात । गुगु प्रचार प्रसार अथें हे फय्गं खँ खः धकाः सीकल ।

रञ्जु थुगु चुनावय् स्वंगू स्थानय् लानाच्वंगु खःसां टेलिभिजनय् रञ्जुया अन्तरवार्ता मद्दिक्क कयाच्वंगु खनेदत । व स्वंगू स्थानय् लाःम्ह रञ्जुं थःपिं नैतिक रुपं विजय जुल धकाः धायेगु ज्या यातज्या संचार माध्यम पाखें यायेगु यात ।