chetrapa55

सुविन श्रेष्ठ व प्रविशा अधिकारीया ‘फोटो खिचिक्क...’

नेवा: अनलाइन न्युज – ललेन्द्र शाक्य | २०७६ पौष २९, मंगलबार १४:५४:२४

‘फोटो खिचिक्क...’ लोकं ह्वाइगु दाबी

किपूया म्येहालामि सुविन श्रेष्ठं नांजाःम्ह म्येहालामि प्रविशा अधिकारीलिसे छपू डान्सिङ्ग ज्वःम्ये हालादीगु दु ।

‘खिचिक्क फोटो खिचिक्क...’ बोलया थुगु म्ये रत्नकेशव बेलवासें च्वयादीगु खःसा थौंकन्हय् लोकंह्वानाच्वंम्ह संगीतरकार कृष्ण भारद्वाजं लसय् हनादीगु दु ।

थुगु म्येया म्यूजिक भिडियो तयार जुयाच्वंगु खँ ल्हानादिसें म्येहालामि सुविन श्रेष्ठ थुगु म्येया म्यूजिक भिडियो थ्वहे वइगु माघ १० गतेया दुने रिलिज जुइगु जानकारी बियादीगु दुसा भिडियो निर्माणया झ्वलय् सम्पादनया ज्या लिपांगु चरणय् थ्यंगु जानकारी नं म्येहालामि श्रेष्ठं बियादीगु दु ।

थुगु ‘खिचिक्क फोटो खिचिक्क...’ म्येया म्यूजिक भिडियोय् मिजं मोडलय् थौंकन्हय् चलेजूम्ह प्रथम क्षेत्री जुयादीगु दुसा मिसा मोडल उषा उप्रेतीं स्यल्लाःगु भूमिका म्हितादीगु दु ।

उषा उप्रेती धायेबलय् थौंकन्हय् थेगो चलेजुयाच्वंगु दु “सक्कीगो”, थुगु टेलिसिरियलय् कक्रोजया गर्ल्डफ्रेण्ड जुया अभिनय यानादीगु दुसा टिकटकय् नं अतिकं हे बय् बय् जुयाच्वंम्ह मोडल खः ।

राजु कार्कीं संगीत संयोजन यानादीगु सुविन श्रेष्ठ व प्रविशा अधिकारीया ‘खिचिक्क फोटो खिचिक्क...’ म्ये रिकर्डिङ्ग आर.बी. रेकर्डिङ्ग स्टुडियोय् रिकर्ड याःगु खःसा रिकर्डिष्ट व मिक्सिङ्ग ज्या कुमार केसीं यानादीगु दु । अथेहे, म्यूजिक भिडियोया निर्देशन स्वयं मोडल प्रथम क्षेत्रीं यानादीगु दुसा छायांकन नेपाली म्यूजिक भिडियो क्षेत्रय् बय् बय् जूगु पुचः कार्टुन क्रुजया क्यामेरा पर्सन ज्ञानेन्द्र शर्मा हुमागाइँ नं यानादीगु दु ।

थौंकन्हय् युवापुस्ता दथुइ चलेजुयाच्वंगु म्यूजिक ट्रेञ्जयात वाःचायेकाः युवा समुदाय केन्द्रीत थुगु ‘फोटो खिचिक्क...’ म्ये व म्यूजिक भिडियोपाखें किपूया प्रतिभाशाली सः दुम्ह म्येहालामि सुविन श्रेष्ठया म्यूजिक करिअरय् हिउपाः वइ धकाः म्येहालामि सुविन श्रेष्ठ लिक्क लाःपिं संगीतकःमि व संगीत ह्यःमिपिन्सं अडकल याःगु दु ।

थुलि जक मखु कि म्येहालामि सुविन श्रेष्ठलिसे थौंकन्हय् लोकं ह्वानाच्वंम्ह मिसा म्येहालामि प्रविशा अधिकारीलिसेया ज्वःम्ये जूगुलिं व संगीतकार नं नांजाःम्ह जूगुलिं  अथेहे, थुगु म्येया म्यूजिक भिडियो मोडलदपिं नं लोकंह्वाःपिं जूगुलिं थुगु म्ये नेपाली संगीत ख्यलय् बय् बय् जुइगु व भाइरल जुयाः सकल संगीतह्यःमिपिन्सं येकी धकाः अनुमान याःगु दु ।

Categorized in कला