chetrapa55

सुरज , बिरज व रामकृष्णया न्हूगु म्युजिक भिडियो

नेवा: अनलाइन न्युज | २०७६ मङ्सिर २१, शनिबार २२:०१:२०

आर के फिल्म प्रोडक्शनया ग्वसालय् नेपालभाषाया म्ये संकिपा ‘छ लुइवं हे जीवन’या येँय् छगू ज्याझ्वःया दथुइ पितब्वज्या यागु दु । मुसुमुसु काःगु म्ये हाला लोकंह्वाम्ह म्ये हालामि बिरज महर्जनं हालादिइगु नेपालभाषाया म्ये संकिपा ‘छ लुइवं हे जीवन’या उलेज्याः वरिष्ठ म्ये हालामि जुजुकाजी रन्जितं यानादिइगु खः । उगु म्ये नांजाःम्ह निर्देशक रामकृष्ण खड्गीं निर्देशन यानादिइगु खःसा संगीतकार जुगल डंगोलं लसय् हनादिइगु खः । अथेहे म्ये हालामि लिसें सञ्चारकःमि सुरजवीरं बज्राचार्यं च्वयादिइगु थुगु म्येय् न्हूपिं कलाकार सृष्टि महर्जन व अनुज शाक्यया अभिनय यानादीगु दु । सोहन मानन्धरं छायाँकन व सम्पादन यानादिइगु थ्व म्ये संकिपाय्  पुजा शाहीं समाः यानादिइगु दु । थ्व म्युजिक भिडियोयात कयाः मूपाहाँ जुजुकाजी रन्जितं न्हूगु युवा पुस्तायात ल्वकथं दयेकातःगु थुगु म्ये अतिकं बांलागु धकाः भिन्तुना बियादिल । अथेहे थुगु म्युजिक भिडियोलय् ज्या यानाबलय्या अनुभवयात कयाः निर्देशक खड्गी, लय्चिनामि डंगोल, क्यामेरा म्यान मानन्धर लिसें कलाकार सृष्टि महर्जन व अनुज शाक्यपिन्सं नं थःथःगु नुगःखँ तयादिइगु खः ।

Categorized in कला