सुमन मानन्धर व जितेन्द्र शाक्यया ‘छं न्हिलाः दः...’ म्यूजिक भिडियो पुस १३ गते पिदनीगु
नेवा: अनलाइन न्युज – ललेन्द्र शाक्य | २०७६ पौष १०, बिहिबार १४:५३:३४
बुदिंया भिंतुना म्ये कासाय् ब्वति कयाः दकले अप्वः भ्यूजया सिरपाः व टप फाईभय् लायेत ताःलाःम्ह मयजु सुमन मानन्धरया सलं पिज्वःगु ‘छं न्हिलाः दः ...’ बोलया म्येया म्यूजिक भिडियो सार्वजनिक जुइगु जूगु दु । थुगु म्ये म्येहालामि सुमन मानन्धरं म्येहालामि जितेन्द्र शाक्यलिसे हालादीगु दुसा थुगु म्ये ज्वःम्ये खः ।
ने.सं. ११४० पोहेलाथ्व तृतीया (पुस १३ गते) आइतवाः यलया ज्यावलाख्यलय् च्वंगु जावलाखेल फुडल्याण्डय् न्हिनसिया १२ः३० ता इलय् जुइगु उगु म्यूजिक भिडियो सार्वजनिक ज्याझ्वलय् म्येहालामि जितेन्द्र शाक्यया ‘काल जिगु नुगः सुनां...’ बोलया म्ये व म्यूजिक भिडियो नं सार्वजनिक जुइगु ज्याझ्वः तयातःगु दु ।
‘छं न्हिलाः दः ...’ म्येया च्वमि अमृतरत्न शाकय खःसा संगीत संयोजन विरेन शाक्यं यानादीगु दु ।
अथेहे, नेवाः सुपरस्टार दाबेदार नांजाःम्ह कलाकार रुपेन श्रेष्ठ थक्वाःमि व सरीता बज्राचार्यं अभिनय यानादीगु दुसा किशोर चिपालुं अतिथि कलाकारया रुपं अभिनय यानादीग्ु दु ।
शोभा महर्जनया गिफ्ट नेपालं वसः उपलब्ध जूगु उगु म्यूजिक भिडियोया क्यामेरा पर्सन व सम्पादन योवन शाक्यं यानादीगु दुसा निर्देशन राजन शाहीं यानादीगु दु ।
पुस १३ गते आइतवाः जुइगु उगु म्यूजिक भिडियो सार्वजनिक ज्याझ्वलय् सकलसित सहभागिताया नितिं इनाप याःगु दु ।
Categorized in कला