nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

सी उइतः यंकूम्ह मचा सनाः हयेधुंकाः ...!

नेवा: अनलाइन न्युज | २०७६ श्रावण २६, आइतबार १२:२७:४०

चितवनया देवघाटय् सी उइतः यंकूम्ह मचा सनाः हयेधुंकाः हाकनं अस्पतालय् यंकूगु दु । लिसें सित धकाः गाः म्हुयाः ल्हाकूम्ह मेम्ह मचायात उत्खनन् यानाः प्रहरीं परीक्षणया नितिं भरतपुर अस्प्ताल यंकूगु दु ।

जिल्ला प्रहरी ज्याकुथ चितवनं ब्यूगु जानकारी कथं पश्चिम चितवनया चनौलीया छम्ह मिसां चितवन मेडिकल कलेजय् जुम्ल्याहा मचात जन्म ब्यूगु खः । प्रहरी उपरीक्षक दाबहादुर मल्लया कथं जन्म जूपिं मचातमध्ये छम्ह मचा सीगु व मेम्ह छम्ह जीवित जूगु अवस्थाय् अस्पतालं छेँय् छ्वःगु खः । छेँय् थ्यनेधुंकाः मेम्ह मचा नं सित धकाः सी उइगु नितिं देवघाट यंकूगु खः ।

मल्लया कथं गाः म्हुयाः गालय् तयेगु झ्वलय् उम्ह मचा सनाः हयेधुंकाः अस्पताल यंकूगु खः । शंकास्पद खनेदयेधुंकाः मेम्ह मचा नं उत्खनन यानाः परीक्षणया नितिं हःगु मल्लं जानकारी ब्यूगु दु । अस्पताल हःम्ह मचाया चितवन मेडिकल कलेजय् वासः जुयाच्वंगु दु । घटना शंकास्पद खनेदयेधुंकाः छेँजःया स्वम्ह मनूयात नियन्त्रणय् कयाः अनुसन्धान जुयाच्वंगु वं धाःगु दु ।

गिरफ्तारीइ लाःपिं मचाया अबु, नीनी तता व मेम्ह छम्ह मनू खः । 

अनुसन्धान जुयाच्वंगुलिं गिरफ्तारीइ लाःपिं मनूतय्गु नां सार्वजनिक याःगु मदुनि । जन्म जूपिं निम्ह मध्ये तःधिकःम्ह १ किलो २०० ग्रामया मचा सीगु खःसा ८०० ग्रामया मचा जीवित जूगु मल्लं धाःगु दु । 

घटना शुक्रवाः जूगु खः । बिहिवाः उपिं मचात जन्म जूगु खः ।

Categorized in स्थानिय-समाज