ad 2076 5 18

सिंहदरबार दुने सीम्ह मनू !

नेवा: अनलाइन न्युज | २०७६ भाद्र ३, मंगलबार १३:२४:०७

राष्ट्रिय योजना आयोगया छम्ह कर्मचारी ज्याकुथिय सिनाच्वंगु अवस्थाय् लुयावःगु दु । आयोगया कर्मचारी नायव सुब्बा बच्चु केसी सिंहदरबारय् च्वंगु ज्याकुथिइ ग्वारातुलाच्वंगु अवस्थाय् लुयावःगु खः ।

सिनाच्वंम्ह कर्मचारी बच्चु केसीं विष त्वनाः आत्महत्या याःगु अनुमान दु धकाः अनुसन्धानय् खटेजूपिन्सं धाःगु दु ।

महानगरीय प्रहरी परिसर येँया डिएसपी होविन्द्र बोगटीं छम्ह कर्मचारीं आत्महत्या याःगु खबर वयेधुंकाः प्रहरी पुचः वनाः अनुसन्धान न्ह्याकागु धाःगु दु ।

येँ प्रहरी प्रमुख एसएसपी उत्तमराज सुवेदीया कथं आः फरेन्सिक व सिन अफ क्राइम(सोको) विज्ञ पुचः घटनास्थलय् थ्यंकूगु दु । ‘प्रारम्भिक चरणय् अपराध जूगु थाय् संरक्षण यानाः सबूत मंकेगु ज्या न्ह्याकीगु जुइ’ धकाः सुवेदीं धाःगु दु ।

Categorized in दुर्घटना-अपराध