nepal lifef 2076 8 8

साग : मिजं फुटबल कासाय् भारत म्हिती मखुत

नेवा: अनलाइन न्युज | २०७६ मङ्सिर १२, बिहिबार १५:०९:५४

१३ क्वःगु दक्षिण एसियाली खेलकुद कासाया मिजं फुटबल कासाय् भारत नं सहभागी मजुइगु जूगु दु ।

थौं बिहिवाः सार्वजनिक याःगु कासा धलः कथं सागय् भारतं लिपा.गु अवस्थाय् वयाः सहभागी मजुइगु धाःगु खः ।

थ्वसिबें न्ह्यः पिथंगु कासा धलखय् भारतया तकं कःघानातःगु खः । तर लिपांगु इलय् वयाः सहभागी मजुइगु जानकारी बिइधुंकाः न्यागू देस जक म्हितीगु कथं कासा धलः सार्वजनिक याःगु दु । पाकिस्तानं थ्वसिबें न्ह्यः हे सहभागी मजुइगु धाःगु खः ।

आः मिजं फुटबलय् नेपाल, बंगलादेश, माल्दिभ्स, श्रीलंका व भुटान जक म्हितीगु जूगु दु ।

भारत सहभागी मजुइगु जुइधुंकाः मिजं फुटबल नं राउण्ड रोविन लीग जुइगु जूगु दु । डिसेम्बर २ निसें न्ह्याइगु मिजं फुटबल य् नेपालं न्हापांगु कासा डिसेम्बर ३ स भुटानलिसे म्हितीगु जूगु दु ।

Categorized in कासा