नेवा: अनलाइन न्युज | २०७६ माघ ९, बिहिबार १६:५६:४२

गण्डकीया प्रदेशसभा दुजः राजीव गुरुङ अर्थात् गुण्डानाइके दिपक मनाङ्गेयात जिल्ला प्रहरी ज्याकुथि कास्कीं गिरफ्तार याःगु दु ।

पोखराया लेकसाइडय् च्वंगु होटल प्याराडाइजं थौं बिहिवाः न्हिनय् मनाङ्गेयात सादा पोशाखय् खटेजूपिं प्रहरीं गिरफ्तार याःगु खः ।

जिल्ला प्रहरी ज्याकुथि कास्कीया प्रहरी उपरीक्षक एसपी दानबहादुर कार्कीं मनाङ्गेयात गिरफ्तार यानागु पुष्टि यासें अनुसन्धान न्ह्याकागु जानकारी ब्यूगु दु ।

मनाङ्गें मंगलवाः अखिल नेपाल फुटबल संघ (एन्फा) कास्कीया नायः मिलन गुरुङयात हातपात याःगु खः । एन्फा नायः गुरुङं बुधवाः मनाङ्गेविरुद्ध किटानी जाहेरी ब्यूगु खः ।

थौं बिहिवाः जक जिल्ला प्रशासन ज्याकुथि कास्कीं मनाङ्गेयात गिरफ्तार यायेत प्रहरीयात अनुमति ब्यूगु खः ।

Categorized in राजनीति