telecom 18 kartik 2076

सांसद आलमया बयान क्वचाल, आः थुनछेक बहस

नेवा: अनलाइन न्युज | २०७६ कार्तिक २१, बिहिबार १५:४६:१५

नेपाली कांग्रेसया नेता व सांसद मोहम्मद अफताब आलमया जिल्ला अदालत रौतहटय् बयान क्वचाःगु दु । स्वन्हु न्ह्यःनिसें जुयाच्वंगु बयान थौं बिहिवाः क्वचायेधुंकाः आः थुनछेक बहस न्ह्याइ ।

२०६४ चैत्र २७ गते दर्जनसिबें अप्वः मनूतय्त अप्पा भट्टाया चिम्नीइ तयाः म्वाःम्वाः हे च्याकूगु अभियोगय् आलमयात जिल्ला सरकारी वकिल ज्याकुथिं स्वंगू मुद्दा दर्ता याःगु खः । उकी जिल्ला न्यायाधीश दीपक ढकालया इजलासय् वया बया क्वचायेधुंकाः आः आलमया पक्ष व विपक्षय् कानून व्यवसायीपिन्सं बहस याइ ।

आलमयात मुक्कं ५१ गू न्ह्यसः न्यंगु खः । थौं बिहिवाः स्वन्हुया दिंया बयानय् वयात ज्यान कायेगु उद्योग व बम विष्फोट सम्बन्धी कसुरबारे न्ह्यसः न्यंगु खः । न्यायाधीशं न्यंगु आपालं न्ह्यसःया आलमं इन्कारी बयान ब्यूगु खः ।

तत्कालीन इलय् सरकारी वकिलया ज्याकुथिं मुद्दा चलेमयायेगु निणृय याःगु खःसा न्ह्यसलय् जक आलमं खः, उगु इलय् मुद्दा चलेमयायेगु निर्णय जूगु धाःगु दु । आलमं थ्वहे छगू जक न्ह्यसःया साविती बयान ब्यूगु खः ।

पीडितया पक्षं पूर्वमहान्यायाधीवक्ता डा. युवराज संग्रौल, बरिष्ठ अधिवक्ता पुष्पराज पौडेल, आशिकराम कार्की, गोविन्द शर्मा बन्दी, ओमप्रकाश अर्याल, दिनेश त्रिपाठी, डा. कुमार शर्मा आचार्यं बहस याइ ।

प्रतिवादी आलमया पक्षं वकालत यायेत बरिष्ठ अधिवक्ता शेरबहादुर केसी, योगेन्द्र अधिकारी, सुनिल पोखरेल, कृष्ण घिमिरे (भुषण) रौतहट थ्यंकूगु खः ।

Categorized in राजनीति