ad 2076 5 18

सवारी दुर्घटनाः भाःतम्ह सित, कलाःम्ह घाःपाः

नेवा: अनलाइन न्युज | २०७६ भाद्र २, सोमबार १६:१६:४२

पृथ्वीराजमार्ग अन्तर्गत तनहुँया व्यास नगरपालिका–१२ कमलाबारीइ आइतवाः जूगु सवारी दुर्घटनाय् छम्ह मनु सीगु दुसा छम्ह घाःपाः जूगु दु ।

सीम्ह भानु नगरपालिका–५ च्वनीम्ह ३९ दँया सुदीपराज पौडेल जूगु जिल्ला प्रहरी ज्याकुथि तनहुं जानकारी ब्यूगु दु । दुर्घटनाय् वहे थासय् च्वनम्हि ३४ दँया प्रेमा न्यौपाने पौडेल घाःपाः जूगु खः । प्रेमा सीम्ह सुदीपराजया कलाः खः ।

सुदीपया पोखराय् च्वंगु मणिपाल शिक्षण अस्पतालय् वासः यायेगु झ्वलय् सीगु जिल्ला प्रहरी ज्याकुथि तनुहँया प्रहरी नायब उपरीक्षक लीलाराज लामिछानें जानकारी ब्यूगु दु । घाःपाः जूम्ह प्रेमाया वहे अस्पतालय् वासः जुयाच्वंगु दु ।

डुम्रेपाखें दमौलीपाखे वनाच्वंगु ना६ख ७५६० ल्याःया ट्रकं राजमार्ग लिक्क दिकातःगु प्रदेश ३–०१–००१–य ल्याःया कारयात ठक्कर बिइधुंकाः वहे दिशां वयाच्वंगु ना२०प ३१०९ ल्याःया मोटरसाइकलयात कारं ठक्कर नकूगु खः ।

Categorized in दुर्घटना-अपराध