ad 2076 5 18

सर्वोच्चया आदेश ः ‘शिल्पायात तत्काल ज्वनेमते’

नेवा: अनलाइन न्युज | २०७६ भाद्र १, आइतबार १७:५३:०३

अभिनेत्री शिल्पा पोखरेलयात तत्काल गिरफ्तार मयायेत सर्वोच्च अदालतं आदेश ब्यूगु दु ।

येँ जिल्ला अदालतं बहुविवाहसम्बन्धी मुद्दाय् पक्राउ पूर्जी जारी यायेधुंकाः उच्च अदालत जुयाः सर्वोच्चतक थ्यंकूम्ह शिल्पायात प्रधानन्यायाधीश चोलेन्द्र शमशेर जवराया एकल इजलासं तत्काल गिरफ्तार मयायेत आदेश ब्यूगु खः ।

निर्माता छवि ओझाया तःधिकःम्ह कला हेमां ब्यूगु बहुविवाह मुद्दादय् येँ जिल्ला अदालतं छवि व शिल्पाविरुद्ध पक्राउ पूर्जी जारी याःगु खः ।

थः विरुद्ध जारी जूगु पक्राउ पूर्जी खारेज यायेत माग यासें शिल्पा उच्च अदालत यल थ्यंकूगु खः । तर यलं जिल्ला अदालत येँया पक्राउ पूर्जी पनेत अस्वीकार यायेधुंकाः शिल्पा सर्वोच्च थ्यंकूगु खः ।

सर्वोच्चं धाःसा तत्काल गिरफ्तार मयायेत आदेश बिसें भाद्र १५ गते निगुलि पक्षयात सहलह ब्याकेत सःतूगु दु ।

Categorized in कला