telecom 18 kartik 2076

सफू ब्वज्याय् नेवाः संकिपा बारे विचार गोष्ठी

नेवा: अनलाइन न्युज – निश्चल | २०७६ श्रावण २६, आइतबार १६:४८:५६

नेपालभाषा एकेडेमिया ग्वसालय् तमकःद्यः, जावलाख्यलय् शुक्रवाःनिसें न्स्वन्हुयंकं जुगु सफू ब्वज्या थौं आइतवाः लिपांगु न्हिं नेवाः संकिपा बारे विचार गोष्ठी ज्याझ्वः जुगु दु ।
उगु ज्याझ्वलय् बरिष्ठ सकिपा पत्रकार बिजयरत्न असंबरे “नेवाः संकिपाय् म्हिगः व थौं ” यात कयाः ज्यापौं न्ह्यब्वयादिगु खः ।


वयकलं न्हयब्वयादिगु उगु ज्यापौंलय् नेवा संकिपाया बिकासक्रम, बाखँ पक्ष,उपलब्धी, संकिपा दयेकेत छु छु यायेमाः छु खः संकिपा आदि बिषयसं थीथी खँ न्ह्यब्वयादिगु दु ।

अथे हे उगु ज्याझ्वलय् संकिपा अध्यनकर्ता ,ब्वमि लिसें बाखँ च्वमि राकेश महर्जनं साहित्यं ल्ह्ययातःगु नेवाः संकिपा “पखाः” यात कयाः ज्यापौं न्ह्यब्वयादिगु खः ।
वयकलं न्ह्यब्वयादिगु ज्यापौंलय्  “पखाः” संकिपाया विविघ पक्षयात कयाः चर्चा यानातःगु दु ।

ज्याझ्वलय् एकेडेमिया सदस्य सचिव मल्लं के सुन्दरं नेपालभाषा एकेडेमि साहित्य विधा लिसें संकिपा विधाय् नं पलाः न्ह्याका यंकाःगु खँ कनादिसें आः याकनं हे एकेडेमि नाट्य विधाय् धेधे बल्ला कासा यायेगु तयारी यानाच्वंनाःगु खँ कनादिल ।
ज्याझ्वलय् नेपाःया न्हापांगु संकिपा “अमा” या हिराइन चैत्यदेबि श्रेष्ठ लिसें संकिपा ख्यया थीथी ब्यक्तिपिन्सं थःथःगु नुँगः खँ तयादिगु खः ।
सफू ब्वज्याया कजि लिसें एकेडेमिया दुजः  बिजयरत्न असंबरे लसकुस यानादिगु उगु ज्याझ्वःया सभापतित्व एकेडेमिया भ्वाइसचान्सलर यज्ञरत्न ध्वाख्वा नं यानादिगु खःसा साहित्यकार शशीकला मानन्धरं न्ह्याकादिगु खः ।

Categorized in कला