ad 2076 5 18

संस्कृति व पर्यटन प्रवर्द्धनया निंतिं सञ्चार माध्यमया भूमिका विषयस सहलह मुँज्या

नेवा: अनलाइन न्युज – –विजयरत्न– | २०७६ आषाढ २५, बुधबार १३:१८:२४

नेवाः पत्रकार राष्ट्रिय दबु या ग्वसालय्  थौं बुद्धवाः  संस्कृति व पर्यटन प्रवर्द्धनया निंतिं सञ्चार माध्यमया भूमिका विषयस सहलह मुँज्या जूगु दु ।                                 

मूपाहॉ संघीय शासनविज्ञ संघीय मामिला तथा स्थानीय विकास मन्त्रालयया सहसचिव रुद्र सिंह तामाङ  झायादीगु उगु ज्याझ्वलय् नेवाः पत्रकार राष्ट्रिय दबूया महासचिव सुनिल महर्जनं लसकुस न्वचू तसें सञ्चार माध्यम धइगु समाजया सकतां पक्षलिसे स्वापू दइगु खॅ न्ह्यथना दिल ।

थौंया ज्याझ्वलय् कान्तिपुर पत्रिकाया सम्वाददाता प्रशान्त मालीं मुँज्याया मू चू न्ह्यब्वयादीगु खःसा नांजाःम्ह सञ्चारकःमि नेपालभाषा टाईम्सया सम्पादक सुरेशकिरण मानन्धरं थःगु नुगः खॅ तयेगु झ्वलय् नेपालमण्डलया उत्पत्ति हे छम्ह पर्यटकं याःगु खः धकाः धयादिसें मञ्जुश्री नेपाःगाःया न्हापांम्ह पर्यटक खः धका कनादिल ।

मूपाहॉ रुद्र सिंह तामाङं नेपाः देय् धइगु भौगोलिक विविधता व सॉस्कृतिक विविधताया देय् खःधयादिसें पिनें वइपिं पर्यटकत नेपाःया भौतिक विकास मखु जीवन्त संस्कृति स्वयेत वइगु खः धकाः धयादिल ।

भाजु तामाङं पुलां पुलांगु दरबार जक मखु झीगु परम्परागत रहनसहन व जीवनशैलीं जाःगु झीगु छेॅय् नं खः धकाः धयादिल ।

ज्याझ्वलय् यलया  १६ नम्बर वडाध्यक्ष निर्मलरत्न शाक्य, २१ नं वडाध्यक्ष रविन्द्र महर्जन, साम्राज्य देव श्रेष्ठ, विश्वास बज्राचार्य, दिलेन्द्र राज श्रेष्ठ पिन्सं थःथःगु नुगः खॅ तयादीगु खःसा ज्याझ्वः पत्रकार दबूया केन्द्रीय नायः श्रीकृष्ण महर्जनया सभानायःसुइ सम्पन्न जूगु खः ।

Categorized in नेवाः