ad 2076 5 18

संसार क्रियसनं ‘सेलिब्रेटिङ्ग सक्सेफुल म्यूजिकल’ ज्याझ्वः भाद्र १२ गते याइगु

नेवा: अनलाइन न्युज – ललेन्द्र शाक्य | २०७६ भाद्र ८, आइतबार १५:२४:३४

संसार क्रियसनया ग्वसालय् व यल महानगरपालिका २१ वडा खोकनाया ग्वाहालिइ भुतुमालि ब्वयेथें... ‘सेलिब्रेटिङ्ग सक्सेफुल म्यूजिकल प्रोग्राम’ याइगु जूगु दु ।

थ्वहे वइगु भाद्र १२ गते बिहिवाः यलया कार्यविनायकय् च्वंगु खोकना पार्टी भेन्युइ न्हिनसिया १ ता ईनिसें ५ ता ईतक न्ह्याइगु उगु ज्याझ्वलय् उपस्थितिया नितिं ग्वसाः खलः संसार क्रियसनं सकल संगीतह्यःमिपिन्त इनाप यानादीगु दु ।

संसार क्रियसनया भाजु स्वतन्त्र संसार महर्जनं भाद्र १२ गते बिहिवाः जुइगु उगु ज्याझ्वःया नितिं सहलह ब्याकेगु व माःगु तयारी क्वचायेकेगु पलाः न्ह्याकाच्वनागु जानकारी बियादीगु दु ।

भाजु महर्जनं बियादीगु जानकारी कथं ‘सेलिब्रेटिङ्ग सक्सेफुल म्यूजिकल प्रोग्राम’ न्ह्याइपुक्क व आकर्षक ढंगं न्ह्यब्वयेगु कुतः जुयाच्वंगु जानकारी नं बियादीगु दु ।

Categorized in कला