telecom 18 kartik 2076

संसारय् यौन बजाः तःधन

२०७६ श्रावण ११, शनिबार १२:२९:१२

भारतया मूमू सहर मुम्बई, दिल्ली, कलकत्ता व बैंग्लोरय् पुलिसं अभियानया हे रुपय् विदेशी मिस्त संलग्न दुुगु सेक्स नेटवर्कयात नियन्त्रणय् कयाच्वंगु दु । थुकथं ज्वंपिं मध्ये जर्मन, रुसी, युक्रेनी र उज्बेकिस्तानया अप्वः दु ।
विश्वन्यंकं हे संगठित गिरोहतय्सं इन्टरनेटपाखें थ्व ज्यायात छेँय् छेँय् सेवाया रुप बियायंकूगु दु । भारतीय पत्रपत्रिकाय् मसाज, स्पा व घरेलु महिला ज्याकःमिया विज्ञापन बियाः जुयावयाच्वंगु थ्व ज्या छुं दँ थुखे यक्व हे आधुनिक जुइ धुंकल ।
दलालपाखें चच्छिया २५ द्वःनिसें १ लख भारुइ ग्राहकतक थ्यंकीपिं थुपिं मिस्त पर्यटकीय भिसाय् वयेगु याइ ।  उच्च सरकारी अधिकारीतक बांलाक हे पहुँच दुपिं छुं विदेशी सुन्दरीतय्सं दंदँतक भिसा थपय् यानाः देह व्यवसाययात निरन्तरता बियावया च्वंगु दु । थ्व दँय् जक अन विदेशी यौनकर्मी्पिनि झिगुलिं मल्याक पुचःया पहिचान यानाः पुलिसं कारवाही याये धुंकूगु दु । मागकथं छुं ईया दुने हे उपिं विश्वया न्ह्यागु नं देसय् थ्यनीगु जूगु दु । विदेशी यौनकर्मीत ग्राहकया मागकथं सेवा बीत कुशल व प्रशिक्षित जूगुलिं एसियाय् थुमिगु माग अप्वया वःगु छगू अध्ययनं क्यंगु दु ।


प्रमाण मगाक्क ज्वन धाःसा विदेशी यौनकर्मीं हे पुलिसयात मुद्दा तइगु तकं जुयाच्वंगुलिं पुलिसयात अझ समस्या जुयाच्वंगु स्रोतं धाःगु दु । इन्टरनेट व बैंक खातापाखें हे सकतां ज्या जुइगु जूगुलिं यौनकर्मी व दलाल नाप मलासे हे थ्व ज्या जुयाच्वनी ।
यौन व्यवसाय आः छुं छगू गां, समुदाय, गल्ली वा राजमार्गय् जक लिमकुने धुंकल । अप्वयावंगु यौन आकांक्षा व मागकथं संसारन्यंक यौन सञ्जालया विस्तार जूगु दु ।
बेबसाइट, सामाजिक सञ्जालया विस्तार र मोबाइलया असीमित सेवां थ्व पेसायात गति ब्यूगु दु । आः थ्व सेवा कोठाय् हे लुइके फूगु जूगु दु । दलालपिसं ग्राहक व यौनकर्मीदथुइ घनिष्टता व विश्वास सृजना यायेत थ्व पेशायात ‘सेक्स विथ फ्रेन्डसिप’ नां ब्यूगु दु ।
सन् २०११, डिसेम्बरया रेकर्डकथं विश्वन्यंकं ३६ करोड ६८ लाख ४८ हजार ४ सय ९३ बेबसाइट दु । उकी मध्ये लखौं मतिना, रोमान्स, डेटिङ व सेक्स सम्बन्धी साइटतय्सं मनूतय्गु पतिंचा व छगू कलय् विदेशी यौनकर्मीतक थ्यंका बी । यक्वस्यां सुलाः सुलाः थ्व वेभसाइटपाखें थःगु सुलाच्वंगु आकांक्षा पूवंकी ।
गरिबी, बेरोजगारी व अध्ययन खर्च चूलाकेत थ्व पेसाय् लगय् जुइपिं स्वयां चांचां कार गइपिं व विलासी जीवन म्वाये न्ह्याःपिं शिक्षित युवतीपिसं थ्व व्यवसायया आधुनिक स्वरुपयात नेतृत्व बियाच्वंगु दु । विश्वन्यंकं विस्तारित थ्व नेटवर्कं छेँ व होटलया कोठातक गुगु नं देय् व दँया यौनकर्मी उपलब्ध याके फुगु जूगु दु ।
केन्द्रीय प्रहरीया कथं अभिनय, मोडलिङ, स्पा व मसाजया आडय् भारतबाहेक खाडी मुलुकतक थ्व पेशा याइपिं निसः हाई प्रोफाइल यौनकर्मीया पहिचान जूगु दु । उपिं मिस्त सुनां शंका हे याये मफइगु उच्चवर्ग व घरानाया दर्जन स्वयां अप्वः मिस्तपाखें भारत, थाइल्याण्ड व सिंगापुरतक यौनव्यवसाय न्ह्याकाच्वंगु नेपाल प्रहरीं हे खुलासा याःगु खः ।
छुं ई न्ह्यः जक पूर्वी चीनया  झेन्जियाङ प्रान्तया योङकाङ सहरय् नाबालिगयात यौनव्यवसायय् लगय् याःगु आरोपय् ज्वंपिं खुम्ह थुकिया हे छगू कडी खः । थ्व गिरोहलिसे साँठगाँठ दुगु अभियोगय् छम्ह जनप्रतिनिधि ज्वन । यौन ल्वय्या म्हो जोखिम दइपिं १८ दं क्वय्या थुपिं मिस्तय् ग्राहक तःधंपिं ब्यापारी खः । 
अन्तर्रा्ष्ट्रिय कासालिसें जुइगु रेभ (नशा व सुन्दरी) पार्टीइ मोडलिङ व अभिनयलय् दख्खल दुपिं हाई प्रोफाइल यौनकर्मीया माग संस्कृतिया रुपय् विकसित जूगु दु । भारतीय पुलिसं टिभी व सिल्भर स्क्रिनया सेलिब्रेटीतय्त होटेलया कोठा व पार्टीं ज्वनीगु सामान्य जूगु दु ।


विश्वया यक्व देसय् यौनव्यवसाय व थ्वलिसे स्वाःगु मेमेगु व्यवसायत सेक्स सप, स्ट्रिप क्लब, एडल्ट थिएटरं मान्यता काये धुंकल ।  थ्व ज्या थाइल्यान्ड व एसियाया गुलिखे देसय् अघोषितरुपं खुलेआम न्ह्याना हे च्वंगु दु ।
भारत कलकत्ताया सोनागाछी एसियाया हे तःधंगु यौनबजारकथं म्हस्यू । नेदरल्याण्डया डे बालेन, जर्मनीया रिपेरबानय् प्रशासनं कानुनी मान्यता ब्यूगु दु ।
रेडलाइट दुगु देसय् अफ्रिकाया घाना, आइभोरी कोस्ट, केन्या, दक्षिण अफ्रिका व युगाण्डा लाः । एसियाय् कम्बोडिया, चीन, हङकङ, भारत, इन्डोनेसिया, इरान, जापान, दक्षिण कोरिया, मलेसिया, पाकिस्तान, फिलिपिन्स, सिंगापुर व भियतनाम नं देह व्यवसाय जुइगु देसय् लाः । युरोपय् अस्ट्रिया, बेल्जियम, डेनमार्क, फ्रान्स, जर्मनी, आयरल्यान्ड, नेदरल्यान्डस्, स्पेन, स्विटजरल्याण्ड, बेलायत, स्कटल्यान्ड र वेल्सय् यक्व यौनमण्डी दु । उत्तरी अमेरिका, क्यानाडा, मेक्सिको, अमेरिका, अस्ट्रेलिया, न्युजिल्यान्ड, अर्जे्न्टिना व ब्राजिलं थुकियात स्वीकार याःगु दु ।

भारतया मूमू सहर मुम्बई, दिल्ली, कलकत्ता व बैंग्लोरय् पुलिसं अभियानया हे रुपय् विदेशी मिस्त संलग्न दुुगु सेक्स नेटवर्कयात नियन्त्रणय् कयाच्वंगु दु । थुकथं ज्वंपिं मध्ये जर्मन, रुसी, युक्रेनी र उज्बेकिस्तानया अप्वः दु ।
विश्वन्यंकं हे संगठित गिरोहतय्सं इन्टरनेटपाखें थ्व ज्यायात छेँय् छेँय् सेवाया रुप बियायंकूगु दु । भारतीय पत्रपत्रिकाय् मसाज, स्पा व घरेलु महिला ज्याकःमिया विज्ञापन बियाः जुयावयाच्वंगु थ्व ज्या छुं दँ थुखे यक्व हे आधुनिक जुइ धुंकल ।
दलालपाखें चच्छिया २५ द्वःनिसें १ लख भारुइ ग्राहकतक थ्यंकीपिं थुपिं मिस्त पर्यटकीय भिसाय् वयेगु याइ ।  उच्च सरकारी अधिकारीतक बांलाक हे पहुँच दुपिं छुं विदेशी सुन्दरीतय्सं दंदँतक भिसा थपय् यानाः देह व्यवसाययात निरन्तरता बियावया च्वंगु दु । थ्व दँय् जक अन विदेशी यौनकर्मी्पिनि झिगुलिं मल्याक पुचःया पहिचान यानाः पुलिसं कारवाही याये धुंकूगु दु । मागकथं छुं ईया दुने हे उपिं विश्वया न्ह्यागु नं देसय् थ्यनीगु जूगु दु । विदेशी यौनकर्मीत ग्राहकया मागकथं सेवा बीत कुशल व प्रशिक्षित जूगुलिं एसियाय् थुमिगु माग अप्वया वःगु छगू अध्ययनं क्यंगु दु ।
प्रमाण मगाक्क ज्वन धाःसा विदेशी यौनकर्मीं हे पुलिसयात मुद्दा तइगु तकं जुयाच्वंगुलिं पुलिसयात अझ समस्या जुयाच्वंगु स्रोतं धाःगु दु ।
इन्टरनेट व बैंक खातापाखें हे सकतां ज्या जुइगु जूगुलिं यौनकर्मी व दलाल नाप मलासे हे थ्व ज्या जुयाच्वनी । (एजेन्सी)