telecom 18 kartik 2076

संसारया दकले बांलाःम्ह मिसामचा यलिना यकुपोवा

नेवा: अनलाइन न्युज | २०७६ कार्तिक १, शुक्रबार १२:४०:०६

संसारया आपालं देसय् बांलाःम्ह व बुद्धिमान मनूतय्गु मालेगु ज्या दँय् दसं थीथी कथंया कासात ग्वसाः ग्वयाः यानाः वयाच्वंगु दु ।

तर गुबलें गुबलें कासा मजूसां नं संसारया हे दकले बांलाःम्ह मनू लुयाः वइगु जुयाच्वन । आः नकतिनि जक रुसय् छम्ह थुज्वःम्ह मिसामचा लुयावःगु दु, गुम्हेसित संसारया हे दकले बांलाःम्ह मचा धयाहःगु दु ।

खुदँ दुम्ह उम्ह मिसामचां प्यदँया उमेरनिसें हे मोडलिङ यानाः वयाच्वंगु दु ।

उम्ह मिसामचाया नां यलिना यकुपोवा खः । उम्ह मचा खुदँया उमेरय् हे सेलिब्रिटी जुइधुंकूगु दु । वया इन्स्टाग्रामय् द्वलंद्वः फलोअर्स थ्यनेधुंकूगु दु । वं यन्स्टाग्रामय् तइगु किपाःयात द्वलंद्वः लाइक्स वयाच्वंगु दु ।

उम्ह मिसामचाया फ्यानत केवल रुसय् जक मजूसे अमेरिका, बेलायत, जर्मनी लिसेंया पश्चिमा देसया मनूत नं आपालं दु । वया फ्यानतसें वयात विश्वया हे दकले क्यूट मचाया उपाधि बियाच्वंगु दु । वया किपाः स्वयेबलय् नं व धात्थें हे क्यूट खनेदु ।

रुसया मस्कोया बासिन्दा यलिनां आःतक आपालं फेसन क्याम्पेनय् ब्वति कायेधुंकूगु दु ।

वं मचातय्गु कापःयाः नांजाःगु ब्राण्ड मोनालिसा किड्स व ग्लोरिया जिन्सया नितिं तकं विज्ञापनय् अभिनय् यायेधुंकूगु दु । गुकी वया प्रस्तुति बेजोड जूगु दु ।

Categorized in अन्तर्राष्ट्रिय