telecom 18 kartik 2076

संकिपाकःमि रविन्द्र शाहीं ख्वपय् दियो गार्डेन रेष्टुरेन्ट चायेकल

नेवा: अनलाइन न्युज – ललेन्द्र शाक्य | २०७६ आश्विन २८, मंगलबार १७:२७:३८

असोज ३० गते उलेज्या, नेवाः म्यूजिक भिडियो व संकिपा सुटिङ्गया नितिं रेष्टुरेन्टया थाय् सितिकं बिइगु व सुटिङ्ग युनिटयात तुच्चा नं सितिकं नकीगु

संकिपा ख्यलय् छम्ह स्यल्लाःम्ह कलाकारलिसें निर्देशक व छम्ह म्येहालामि कथं म्हस्यूम्ह रविन्द्र शाही आर.बि. आः संकिपा ख्यःया लिसेलिसें ब्यापार व्यवसायस नं पलाः न्ह्याकादीगु दु ।

भाजुर शाहीं थः व थः पासापिं जानाः ख्वपया सूर्यविनायक चोक गणेद्यःया देगः लिक्क दियो गार्डेन रेष्टुरेन्ट चायेकादीगु दु ।

थुगु रेष्टुरेण्टया उलेज्या थ्वहे वइगु असोज ३० गते बिहिवाः १ ता इलय् ग्राण्ड ओपनिङ्ग अर्थात् उलेज्या जुइगु जानकारी नेवाः अनलाईनन्यूजयात बियादीगु दु ।

रविन्द्र शाहीं असाजे ३० गते उलेज्याया दिं लाईभ म्यूजिक कन्सर्ट जुइगु जानकारी बिसें वेलकम ड्रिङ्क्स, कम्प्लमेन्टरी स्नायक्स लिसें फुक्क नसाज्वलखय् २० प्रतिशत छ्यापं (डिस्काउण्ट) बिइगु जानकारी नं बियादीगु दु । वय्कलं रेष्टुरेन्ट चालेधुंकाः प्रत्येक शुक्रवाः सांगितिक लाईभ कन्सर्ट यायेगु खँ कनादिसें नेवाः, खस नेपाली भाषाया सांगितिक ज्याझ्वः यायेगु लिसें रेष्टुरेण्ट मुक्कं पारिवारिक वातावरणया जूगु जानकारी नं बियादीगु दु ।

अथेहे, भाजु शाहीं नेवाः ख्यःया म्यूजिक भिडियो व संकिपायात विशेष रुपं वाःचायेकाः रेष्टुरेण्टया सीनया नितिं संकिपा व म्यूजिक भिडियोया नितिं थःपिनिगु रेष्टुरेण्टया थाय् सितिकं बिइगु जानकारी नं बियादीगु दु ।

भाजु शाहीं धयादी, “जि थः नं छम्ह कलाकार व निर्देशकलिसें संकिपा व संगीत ख्यलय् भेलेपुयाच्वनाम्ह जूगुलिं जिं स्यू, सुटिङ्गया इलय् छगू रेष्टुरेण्टया सीन सुटिङ्ग यायेत थाकु । उकिं जिं विशेष रुपं नेवाः ख्यःयात प्राथमिकता बिसें सुयानं म्यूजिक भिडियो व फिल्म सुटिङ्गया नितिं रेष्टुरेन्टया सीन माःसां दियो गार्डेन रेष्टुरेन्ट तयार दु । निःशुल्क थाय् उपलब्ध याके । न्हिच्छि चच्छिया नितिं थाय् माःसां बिइत तयार दु । अले सकल सुटिङ्ग युनिट वय्कःपिन्त रेष्टुरेण्टपाखें सितिकं तुच्चाया ब्यवस्था नं यायेगु जुइ । झासँ लसकुस दु ।” 

भाजु रविन्द्र शाही आर.बि.जुं असोज ३० गते बिहिवाः न्हिनसिया १ ता इलय् दियो गार्डेन रेष्टुरेन्टया उलेज्या ज्याझ्वलय् सकलसित ब्वति कायेत इनाप यानादीगु दु ।

Categorized in बजाः