ad 2076 5 18

शाक्य महाविहार संघं गुथि विधेयकयात कया च्यूताः प्वंकल

नेवा: अनलाइन न्युज – विजयरत्न | २०७६ भाद्र ८, आइतबार १३:५४:४१

येँ देय्या शाक्यत च्वनीगु महाविहारया संगठन शाक्य महाविहार संघया न्याक्वःगु बुन्हि शनिवाः छगू ज्याझ्वः याना हंगु दु ।

थुकथं बुन्हि हनेगु झ्वलय् महासंघं सरकारं पितहःगु गुथि विधेयक आःयात लितकाःगु जूसां खारेज मयाःनिगु खँयात कया च्यूताः प्वकुंगु खः ।

शनिवाः जूगु महासंघया बुन्हिया ज्याझ्वलय् महासंघया नायः शुभकाजी शाक्यं थ्व खँ न्ह्यथनादीगु खः ।

महासंघया नायः शुभकाजी शाक्यया हे सभानायःसुइ न्ह्याःगु विहारया बुन्हिया उगु ज्याझ्वलय् प्रदेश नं ३ या सांसद राजेश शाक्य मूपाहाँ कथं झायादीगु खःसा वयकलं नेपालमण्डलया तःजिगु संस्कृति धइगु हे बौद्ध संस्कृति व बौद्ध परम्परा खः धका धयादिसें थज्याःगु ज्वःमदुगु परम्परायात बौद्ध महाविहार संघ जानाm ल्यंका तःगु खः धका नं न्ह्यथनादिल ।

शाक्य महाविहार संघया बुन्हिया ज्याझ्वलय् पुलांम्ह मन्त्री एवं बौद्ध विद्वान डा. केशव मान शाक्यं बुद्धवंशयात कया दुवालादीगु खः ।

नःघः बहाःया रत्नमान शाक्यया उपस्थितिइ जूगु उगु ज्याझ्वलय् महासंघया न्वकू अमिरमान शाक्यं लसकुस यानादीगु खःसा ज्याझ्वः महासंघया छ्याञ्जे संघरत्न शाक्यं न्ह्याकादीगु खः ।

Categorized in राष्ट्रिय