telecom 18 kartik 2076

विराट नेपालभाषा साहित्य सम्मेलनय् हनेबहःपिन्सं साहित्य वाचन यात

नेवा: अनलाइन न्युज – विजयरत्न | २०७६ आश्विन २३, बिहिबार १७:३०:५८

विजयरत्न

नेपालभाषा या साहित्यह्यःमिपिं दथुइ छगू एतिहासिक सम्मेलनया रुपय् धस्वाना च्वंगु विराट नेपालभाषा साहित्य सम्मेलनया ५८ क्वःगु सम्मेलन थौं विहिबाः ख्वपया तलेजु ब्यांक्वेटय् जूगु दु ।

विराट नेपालभाषा साहित्य सम्मेलन गुथि, ख्वपया ग्वसालय् जूगु ५८ क्वःगु साहित्य सम्मेलन य् ग्वसाखलःया संस्थापक एवं सल्लाहकार डा योगेन्द्र प्रधान मूपाहाँ कथं झायादीगु खःसा ज्याझ्वलय् हनेबहःपिं नेपाल प्रज्ञा प्रतिष्ठानया प्राज्ञ लक्ष्मी माली, नेपालभाषा एकेडेमीया दाँभरीं समालोचक  डा. पुष्पराज राज राजकर्णिकार, प्रदेश ३ या सांसद डा. राजेन्द्रमान श्रेष्ठ,मधुरा सायमि, सिद्दिदास प्रतिष्ठानया नायः नरेन्द्रभक्त हाडा,नेपाल साहित्य मन्दिरया नायः तिलकप्रकाश कायस्थ , नेपालभाषा मंकाः खलः यलया नायः ऋषिप्रसाद श्रेष्ठ , संगीत नाट्यकला प्रज्ञा प्रतिष्ठानया कुलपति रायन लिसेंया साहित्यह्यःमिपिं विशेष पाहाँ कथं झायादीगु खः।

ज्याझ्वलय् नेपालभाषा कयाः स्नातकोत्तर तहलय् दकले अप्वः ल्याः हयादीम्ह राकेश महर्जनयात झिद्वःतकाया विराट सुरत्न सिरपा व एस ई ई जाँचय् नेपालभाषा विषयस दकले अप्वः ल्याः हयादीम्ह सुकुन्दा श्रेष्ठ यात नेपालभाषा पदक सिरपा लःल्हागु खः।

अथे हे चिनाखं धेंधें बल्लाखय् न्हाप , लिउ व लियाँल्यु लाःपिन्त नं सिरपा लःल्हागु खः ।

थौंया साहित्य सम्मेलनय् गोविन्दमान श्रेष्ठ,लक्ष्मी मालि,स्नेह साय्मि,नरेश अमात्य,अमीरमैंया रन्जित,विमलप्रभा बज्राचार्य,शौरभ शाक्य  , बसन्त नकःमि, नारद बज्राचार्य, नरेनमान महर्जन, श्याम आशा ,लुमन्ति चित्रकार , समाश्री,श्रीराम श्रेष्ठ, ओमकृष्ण श्रेष्ठलगायत खुदँ तिनि दुम्ह सजगता मानन्धरया साहित्यकार पिन्सं साहित्य वाचन यानादीगु खः । नापं जनगायक लोकसंगीत अन्वेषक रामकृष्ण दुवाल, सत्यनारायण मानन्धर ,नेपालभाषा एकेडेमीया प्राज्ञ दुजः वीरप्रसाद भन्सारी पिन्सं म्ये न्ह्यः ब्वयादीगु खः ।

विराट नेपालभाषा साहित्य सम्मेलन गुथिया नायः महेन्द्र गोपाल कर्माचार्यया सभानायसुइ न्ह्याःगु उगु सम्मेलनय् ग्वसाखलःया न्वकु कृष्ण लाल गोजा श्रेष्ठं लसकुस न्वचु व ग्वसाखलःया छ्यान्जे पुष्पलाल तिमिलां सुभाय् न्वचु तयादीगु खः । ज्याझ्वलय् विराट गुथिया सल्लाहकार त्रिरत्न शाक्यं ग्वसाखलःया नुगः खँ व डा पुष्पराज राजकर्णिकार पाखे नेवाः राजनीतिक आन्दोलन यात कया मूखँ न्ह्यथना दीगु ख ।

अथे हे चिनाखं धेंधें बल्ला कासाय् रुपा शाही, सलिना महर्जन व मेरिट कोजु नापं खुम्हस्यां ब्वति कयादीगुलिइ सोना तचामो न्हाप, मिलन कुमार थेचोमि ल्यू व सुयोग्य मानन्धर लियांल्यु लाःपिन्त दाता पुष्पलाल तिमिलां नगद व नायः महेन्द्र गोपाल कर्माचार्यं सिरपा लःल्हागु खः ।

अथेहे स्व. हरिदास श्रेष्ठया लुमन्ति वय्कःया तिरिमय्जु बसन्ती श्रेष्ठं न्यय्द्वः तकाया चेक बिराटया नायः कर्माचार्ययात लःल्हाःगु दु ।

Categorized in नेवाः