नेवा: अनलाइन न्युज | २०७६ मङ्सिर २२, आइतबार १५:३९:०३

नेत्रविक्रम चन्द विप्लव नेतृत्वया नेकपा विप्लव पुचःया ज्याझ्वलय् सहभागी जुइत वंगु मकवानपुरया निगू स्कूलयया विद्यार्थीपिन्त प्रहरीं नियन्त्रणय् काःगु दु ।

मनहरी गाउँपालिका–२ सीता माध्यमिक विद्यालयया विद्यार्थीपिन्त इलाका प्रहरी ज्याकुथि मनहरी व पशुपति माध्यमिक विद्यालयया विद्यार्थीपिन्त नेवारपानी प्रहरी चौकीं गिरफ्तार याःगु खः ।

विप्लव पुचःया विद्यार्थी संगठन अनेरास्ववियु क्रान्तिकारीं भारतं सीमा अतिक्रमण याःगु धासें चितवनय् प्रदर्शन ज्याझ्वः तयातःगु खः । उगु ज्याझ्वलय् सहभागी जुइत मकवानपुरया निगू स्कूलया विद्यार्थीपिन्त बसय् तयाः यंकाच्वंगु खः ।

प्रहरीया कथं मनहरीं नियन्त्रणय् काःगु बसय् विद्यार्थी व नेवारपानीं नियन्त्रणय् काःगु बसय् शिक्षकलिसेंया पुचः दूगु प्रहरीं धाःगु दु ।

Categorized in राजनीति