ad 2076 5 18

विद्यार्थी व प्रहरीदथुइ ल्वापु : चितवन मेडिकल कलेजय्

नेवा: अनलाइन न्युज | २०७६ भाद्र २५, बुधबार १२:१७:३०

कलेज प्रशासनं आन्दोलन लितकायेत आग्रह

भरतपुरया चितवन केडिकल कलेजय् आन्दोलनरत् विद्यार्थी व प्रहरीदथुइ बुधवाः सुथय् ल्वापु जूगु दु । अस्पताल दुने दुहाँ वनेत्यंपिं विद्यार्थीपिन्त प्रहरीं पनेधुंकाः ल्वापु जूगु खः ।

अस्पतालया सेवा प्रवाहय् हे पंगः थनेत्यंबलय् पनेगु झ्वलय् ल्वापु जूगु प्रहरीं धाःगु दु । अस्पताल दुनेपाखें वनेत्यंपिं आन्दोलनरत विद्यार्थीपिन्त प्रहरीं लित्तुलिनाः गेट पिने थ्यंकूगु खः ।

इमित प्रहरीं लाठीचार्ज नं याःगु खः । ल्वापुय सुंसुं विद्यार्थीपिं घाःपाः तकं जूगु दु । विद्यार्थीपिन्सं प्रहरीयात ल्वहँ अप्पा प्रहार याःगु खः ।

प्रहरीं आन्दोलनकारी १६ म्ह विद्यार्थीपिन्त गिरफ्तार याःगु दु । गिरफ्तारीइ लाःपिं सरकारपाखें प्रतिबन्धित विप्लव नेतृत्वया नेकपाया महासचिव नेत्रविक्रम चन्द विप्लवया काय् प्रकाशचन्द नं खःसा वया हे न्ह्यलुवाय् अन आन्दोलन जुयाच्वंगु खः ।

चितवन मेडिकल कलेजय् थीथी तहलय् मेडिकल शिक्षा ब्वनाच्वंपिं विद्यार्थीपिं थीथी माग तयाः वंगु निवाः न्ह्यःनिसें आन्दोलनय् क्वाहाँ वयाच्वंगु खः । इमिसं कलेजं क्वःछ्यूगु सिबें अप्वः शुल्क काःगु, सेवा सुविधा मब्यूगुथें जाःगु द्वप. कलेज प्रशासनयात ब्यूगु दु ।

थुखे कलेज प्रशासनं धाःसा आन्दोलनया नामय् कलेजया प्रमुख संचालक व मेमेपिं संचालकपिन्त क्वह्यंगु खँग्वः छ्यलाः दुव्र्यवहार व धम्की ब्यूगु धासें आपत्ति प्वंकूगु दु ।

कलेज प्रमुख प्रशासक प्रताप देवकोटा. बुधवाm विज्ञप्ति सार्वजनिक यासें आन्दोलनया नामय् स्वास्थ्य सेवा प्रवाह याइगु अस्पतालय् हुल हुज्जत यायेगु, सेवा प्रवाहय् बाधा ब्यवधान ब्वलंकेगु थेंजाःगु गैरकानूनी ज्या दिकेमाःगु न्ह्यथनातःगु दु ।

विज्ञप्तिइ सरकार व त्रिभुवन विश्वविद्यालयं दयेकुगु नीति निर्देशन व शुल्कयात कलेजं पूर्ण पालना यायेगु प्रतिबद्धता प्वंकातःगु दु । कलेजलिसे सम्बन्धित मागय् वाताृ व संवादपाखें समस्याया समाधान यायेत तयार दूगु विज्ञप्तिइ धयातःगु दु ।

विद्यार्थीपिन्सं ल्ह्वंगु मागत कलेज प्रशासनसिबें च्वय् सरकार व सरकारी निकायलिसे सम्बन्धित जूगु प्रमुख प्रशासक देवकोटां धाःगु दु ।

Categorized in राजनीति