nepal lifef 2076 8 8

ल्हातय् ‘एम’ आकार दुपिं मनूत विशेष प्रकारया मनू – शास्त्र

२०७४ बैशाख ५, मंगलबार १३:०४:०९

आपालं मनूतसें हस्तरेखाया विषयस अःखः थुइकेगु यानाः वयाच्वंगु दु । हस्तकलाया विषयस गलत व अःखः थुइकाः वयाच्वंगुया हुनि गलत तरिकां सफुतिइ प्रकाशन याइगु, टेलिभिजन व संकिपातय्के प्रशारण व प्रदर्शन जूगु सामाग्रीतय्गु हुनिं जुयाच्वंगु खः ।

थन चर्चा यायेत्यनागु खः कि ल्हातय् अंग्रेजी ‘एम’ आकार दुपिं गुज्वःपिं व गथे जुइ ? गुम्ह मनूतय्गु ल्हातय् ‘एम’ आकार दुम्ह खः, उम्ह मनू विशेष प्रकारया मनू जुइगु शास्त्रय् न्ह्यथनातःगु दु । थुज्वःपिं मनूत अतिकं ज्ञानी व न्ह्याग्गु कथंया व्यापार व्यवसाय नं उत्कृष्ट तरिकां यायेफुम्ह धैगु खँ न्ह्यथनातःगु दु ।

यदि थुज्वःगु ‘एम’ आकार छिगु प्रेमि वा प्रेमिकाय् दुसा थुज्वःपिं मनूत सदां थ्व खँ लुइकेत व सिइकेत तत्पर जुइ कि थः जोडीं थःलिसे गनं मखूगु खँ ल्हानाच्वंगु ला मदु धैगु । बाय् धोका बियाच्वंगु दु धैगु खँया निर्क्यौल यायेगुलि तत्पर जुइ ।

इपिं थःगु ब्यवसाय यानाच्वंगु साझेदार व सुं पासां धोखा बियाच्वंगु दु बाय् मखूगु खँ ल्हानाच्वंगु दुस धैगु खँया अनुमान सहज रुपं हे यायेफुपिं जुइ ।

थुज्वःगु ‘एम’ आकार यदि मिसातय्गु ल्हातय् दुसा उपिं मिसात मिजंतय्गु तुलनाय् अतिकं ज्ञानी व बुद्धिमानी जुइ, तर छुं उज्वःगु असान्दर्भिक हुनि व ब्यागलं ब्यागलं हुनितसें यानाः थुज्वःगु अवस्था म्हो जुइफु ।

थुज्वःपिं मनूतसें थःगु शक्ति पहिचान यानाः थःगु जीवनय् तःधंगु ह्यूपाः हयेगुलि जरुरी जू । इमिगु आवश्यकता व जिन्दगीइ प्राप्त याःगु महत्वपूर्ण अवसहत पहिचान यायेफूगु खण्डय् थुज्वःपिं मनूत अतिकं सुखी व खुसी जुइ ।

थ्वहे हुनिं यानाः थुज्वःपिं मनूत अतिकं विशेष जुइगु जुइ, लोक परम्पराया कथन खः थ्व ।