jivan sahara nepal life

राष्ट्रियसभा दुजः दुर्गाप्रसाद उपाध्याय मन्त

नेवा: अनलाइन न्युज | २०७६ फाल्गुण २, शुक्रबार १२:४८:००

रुपन्देही छेँ दुम्ह राष्ट्रियसभा दुजः दुर्गाप्रसाद उपाध्याय आकाझाकां मन्त ।

लुम्बिनी सांस्कृतिक नगरपालिका वडा ल्याः १० निवासी उपाध्यायया ५० दँया उमेरय् क्यान्सर ल्वचं कयाः थौं शुक्रवाः सुथय् मदुगु खः ।

उपाध्याय २०७४ सालय् नेपाली कांग्रेसया पाखे. राष्ट्रिय सभाय् निर्वाचित जूगु खः ।

क्यान्सर ल्वय् पाखें पीडित उपाध्यायया थौं शुक्रवाः सुथय् ७ ता ईपाखे थःगु हे निवासय् मदुगु वहे क्षेत्रया कांग्रेस सांसद फखरुद्दिन खानं जानकारी ब्यूगु दु ।

उपाध्यायया चितवनय् च्वंगु भरतपुर क्यान्सर अस्पतालय् वासः यायेधुंकाः छेँ हःगु खः । २०२६ सालय् जन्म जूम्ह उपाध्याय २०४६ सालया जनआन्दोलनया ईनिसें नेपाली कांग्रेसय् आवद्ध जुयाः राजनीति न्ह्याकूगु खः ।

२०५४ सालय् साविकया मधुवनी गाविसया उपाध्यक्षय् निर्वाचित उपाध्याय निक्वःतक कांग्रेस रुपन्देही क्षेत्र ल्याः ५ या क्षेत्रीय सभापति व वधुंकाः थुखे महाधिवेशन प्रतिनिधि जूगु खः ।

उपाध्यायया छम्ह जहान, स्वम्ह काय व निम्ह काय् दु । उपाध्यायया लुम्बिनीइ हे अन्तिम संस्कार यायेगु सांसद खानं जानकारी ब्यूगु दु ।

Categorized in राजनीति