nepal lifef 2076 8 8

येँया मेयर विद्यासुन्दर शाक्ययात नं डेंगु, अस्पताल भर्ना

नेवा: अनलाइन न्युज | २०७६ आश्विन १७, शुक्रबार १६:२१:०२

देसय् महामारीया रुपं डेंगु ल्वय् ब्वलनाच्वंगु दु । लिपांगु इलय् अतिकं ग्यानापुक खनेदूगु डेंगुया शिकार सर्वसाधारणनिसें मन्त्री तक नं जूगु दु

थ्वहे झ्वलय् आः नकतिनि जक बिहिवाः येँ महानगरपालिकाया मेयर विद्यासुन्दर शाक्ययात नं डेंगुया संक्रमण जूगु दु ।

डेंगुया संक्रमणया लक्षण खनेदयेधुंकाः येँ महानगरपालिकाया मयेयर शाक्य वासः यायेगु नितिं येँया त्रिपुरेश्वरय् च्वंगु ब्लू क्रस अस्पतालय् विहिवाः भर्ना जूगु दु ।

मेयर शाक्ययात ज्वरो खनेदयेधुंकाः अस्पतालय् भर्ना याःगु खः । मेयर शाक्ययात डा. खगेन्द्र बहादुर श्रेष्ठया पुचलं वासः यानाच्वंगु व सामान्य ज्वरो जूसां नं रिपोर्टय् डेंगु पोजेटिभ खनेदूगु श्रोतं जानकारी ब्यूगु दु ।

येँ महानगरपालिकाया मेयर शाक्य विरामी जूसां नं वया सचिवालयं आःतक शाक्यया स्वास्थ्य बारे छुं जानकारी सार्वजनिक याःगु मदुनि ।

Categorized in स्थानिय-समाज