nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

यात्रुपिन्त ठगेयाःगु १३,००० गः ट्याक्सी चालकपिन्त कारवाही

नेवा: अनलाइन न्युज | २०७६ श्रावण २२, बुधबार १३:०९:२१

ट्राफिक प्रहरीं थीथी बहाना दयेकाः यात्रु ठगेयाःगु स्वनिगःया १२,७४९ गः ट्याक्सी चालकपिन्त कारवाही याःगु दु ।

महानगरीय ट्राफिक प्रहरी महाशाखाया पुचलं आर्थिक दँ २०७५–०७६ य् कानून अःखःया ज्या यानाः मिटरय् वने मानेमजूपिं, मिटर स्यंकूपिं, भाडा अनियमितता याःपिं, अप्वः भाडा काःगु ट्याकसीया चालकपिन्त कारवाही याःगु खः ।

महाशाखां आर्थिक दँ २०७४–०७५ य् ८,१२० गः ट्याक्सी चालकपिन्त कारवाही याःगु खः । महाशाखाया प्रमुख व प्रहरी बरिष्ठ उपरीक्षक बसन्तकुमार पन्तं यात्रुलिसे मोलमोलाई यानाः अप्वः भाडा काःगु ट्याक्सी चालकयात कारवाही यानागु जानकारी ब्यूगु दु । वं धाःगु दु, “यात्रु ठगेयाइपिं न्हिथं ४०–५० म्ह चालकयात कारवाही यानाः वयाच्वनागु दु ।”

अप्वः भाडा काइगु ट्याक्सी चालकयाके ट्राफिक प्रहरीं ३००० तका दां जरिवाना काइगु यानाच्वंगु दु । अथेहे, न्याक्वःतक अप्वः भाडा काःगु कारवाहीलय् लाःगु ट्याक्सी चालकया सवारी चालक अनुमतिपौ निलम्बनया नितिं यातायात व्यवस्था ज्याकथिइ सिफारिस यायेगु यानाच्वनागु जानकारी महाशाखां ब्यूगु दु ।

मिटरय् वने चाहेमजूगु, ट्याक्सीया मिटर स्यंकूगु व स्यंगु मिटरतकं इलय् मर्मत मयाःगु ट्याक्सी चालकयात ५०० तका निसें १५०० तका तक जरिवाना यायेगु यानाच्वंगु पन्तं धाःगु दु । महाशाखां अप्वः भाडा काइगु ट्याक्सी चालकया कारवाहीया नितिं न्हिथं ३० निसें ५० म्ह ट्राफिक प्रहरी स्वनिगःया थीथी थासय् खटेजुयाः वयाच्वंगु दु ।

ट्याक्सी छ्यलाबुला याइबलय् अप्वः भाडा काइगु, मिटरय् वने चाहेमजूगु, यात्रुं चाहेजूगु थासय् वनेमखु धाइपिन्त तत्काल ट्राफिक प्रहरीया हटलाइन नम्बर १०३ य् खबर यायेत फुक्क यात्रुपिन्त महाशाखां आग्रह याःगु दु ।

यातायात व्यवस्था विभागया कथं आः स्वनिगलय् जक १०,००० सिबें अप्वः ट्याक्सी संचालनय् दु ।

Categorized in बजाः