nepal investment baink

यलय् ११ दँया समीर तामाङं ‘सुसाइट नोट’ च्वयाः आत्महत्या !

नेवा: अनलाइन न्युज | २०७६ आषाढ १०, मंगलबार १३:१४:००

आत्महत्या याःम्ह मचा समीरपाखें ‘सुसाइट नोट’ लुयावःगु खःसा उगु सुसाइट नोटय् थः दाजु भाउजुपाखें हेला व श्री कालीदेवी माविया सर गोविन्द तिमिल्सिना, दीवाकर लामिछाने, मीस सरस्वती घिमिरेया हुनिं मृत्यु ल्ययेमाःगु भ्वँ लुयाः वयेधुंकाः प्रहरीं न्यनेकनेया नितिं सर–मीसपिन्त गिरफ्तार

माल्टाया ११ दँया समीर लुङबा तामाङं आत्महत्या याःगुया ल्यूनेया रहस्य, छेँजःनिसें स्कूलया सर–मीसया कुटाइ, हेला हे कारकतत्व जूगु प्रमाल लुल

नेपाःया ७७ गू जिल्लामध्ये छुं दँ न्ह्यःनिसें अत्याधिक रुपं न्हियान्हिथं राजधानीया सुगम जिल्ला यलय् अकालय् ज्यान वांछ्वइपिं नागरिकपिं न्हिथं अप्वयाच्वंगु दु ।

थुकिया विषयस स्थानीय प्रशासन, स्थानीय निकाय, जनप्रतिनिधि, थःथिति, सरोकारवालापिनिगु ध्यान ‘फलानो ला अथे विष नयाः सित का, यःयाया सित का, तिंन्हुयाः सित का’ धैगु खँ बाहेक मेगु छुं नं सचेतना ज्याझ्वः, आत्महत्या न्यूनीकरणया नितिं खास हे योजनात नीतिगत रुपं न्ह्यःने हःगु खनेमदु ।

थुकी नेपाल सरकारया केन्द्र सरकार, प्रदेश सरकार, स्थानीय सरकार, स्कूल लिसेंया सरोकारवाला निकायतसें योजनाबद्ध तरिकां आत्महत्या न्यूनीकरणया उपाय यायेमफुत धाःसा समाजय् विकराल रुप कयाः वयाच्वंगु दु, थुखेपाखे गम्भीरु रुपं विचाः यानाः योजनाबद्ध कथं जनचेतना, वाच ग्रुपतय्गु पलिस्था यायेमाःगु खनेदु ।

यल जिल्लाया दक्षिण पूर्वी पश्चिम भेगय् च्वंगु बागमती गाउँपालिका वडा ल्याः २ माल्टा छेँ दुम्ह श्री कालीदेवी माध्यमिक विद्यालयस न्यागू तगिमय् ब्वनाच्वंम्ह ११ दँया मिजंमचा समीर लुङबा तामाङं शनिवाः बहनी ८ः३० ता इलय् खिपःया स्वचाप्वाँय् तयाः यःगानाः आत्महत्या याःगु दु ।

आत्महत्याया घटना जुइधुंकाः महानगरीय प्रहरी वृत्त चापागां यलपाखें खटेजूगु पुचलं घटनाया प्रारम्भिक मुचुल्का ल्ह्वनाः पोष्टमार्टमया नितिं सीम्ह आइतवाः यलया पाटन अस्पतालय् हःगु खः ।

घटनाय् मुचुल्का ल्ह्वनेगु झ्वलय् आत्महत्या याःम्ह मचा समीरपाखें ‘सुसाइट नोट’ लुयावःगु खःसा उगु सुसाइट नोटय् थः दाजु भाउजुपाखें हेला व श्री कालीदेवी माविया सर गोविन्द तिमिल्सिना, दीवाकर लामिछाने, मीस सरस्वती घिमिरेया हुनिं मृत्यु ल्ययेमाःगु भ्वँ लुयाः वयेधुंकाः प्रहरीं न्यनेकनेया नितिं सर–मीसपिन्त गिरफ्तार यानागु जानकारी प्रहरी सहायक निरीक्षक बसन्त मल्लं ब्यूगु दु ।

११ दँया मचा समीर लुङबा तामाङं थःम्हं आत्माहत्या यायेन्ह्यः च्वःगु सुसाइट नोटं छुं प्रष्ट याः धाःसा बागमती गाउँपालिका–२ माल्टाय् च्वंगु श्री कालीदेवी माविया सर–मीसपिन्सं विद्यार्थीपिन्त मानसिक तनाव बिइगु व कुटपिट याइगु तथ्य स्पष्ट सीदूगु दु ।

छम्ह ११ दँया मचा समीरया मृत्युया ल्यूने स्कूलया उपिं सर–मीस व छेँया दाजु भाउजुपिं मू कारक तत्व जूगु खनेदु । थुकिया थप अनुसन्धान यायेमाः धकाः स्थानीय बासिन्दापिन्सं धाःगु दुसा सम्बन्धित पक्षयात ध्यानाकर्षण नं याकूगु दु ।

किपाः दिपक अर्याल

Categorized in दुर्घटना-अपराध