नेवा: अनलाइन न्युज | २०७६ माघ १०, शुक्रबार २२:३२:१९

नेपालभाषाया  दकले तधंगु सिरपाया रुपय् संसार क्रियसन्सया ग्वसालय् थौं शुक्रवाः येँया प्रज्ञाभवनया हलय् जूगु नेपालभाषा स्टार म्यूजिक भिडियो अवार्डस् ११४० ज्याझ्वलय् थीथी न्यागु दर्जन सिरपा लःल्हागु दु ।

ग्वसाः खलःया क्रियटिभ डिरेक्टर स्वतन्त्र संसार महर्जनं “नेपालभाषा संकिपा इतिहासय् न्हापांगु व दकले तःधंगु व आपालं विधाय् अवार्ड वितरण यायेत्यंगु थुगु न्हापांगु छगू जक नेपालभाषा म्यूजिक भिडियो अवार्ड खः नेपालभाषा स्टार म्यूजिक भिडियो अवार्ड । थ्व अवार्ड विशुद्ध नेपालभाषा कलाक्षेत्रय् समर्पित श्रष्टापिनिगु सम्मानार्थ लःल्हायेगु जूगुलिं थ्व थःगु हे कथं महत्वपूर्ण जू ।”धका हना दिल ।

नेपालभाषा स्टार म्यूजिक भिडियो अवार्ड ज्याझ्वलय् मूपाहाँ कथं शहरी विकास राज्यमन्त्री रामवीर मानन्धर मूपाहाँ कथं झायादीगु खःसा पुलांपिन्त सम्मान व न्हूपिन्त प्रोत्साहन यायेगु आज्जु ज्वना तःगु थ्व ज्याझ्वलयर संसार लाइफटाइम एचिभमेन्ट अवार्ड बरिष्ठ संगीतकार व सांगितिक व्यक्तित्व अमरराज शर्मा राजोपाध्याययात नगद २५,००० तका लिसें सम्मान याःगु दुसाःथ्व लिसें संसार सप्तरंगी सम्मान  बरिष्ठ कलाकार निर्देशक लेखक पवन जोशी, बरिष्ठ संगीतकःमि मनराजा नकःमि, बरिष्ठ सिने पत्रकार लिसें निर्देशक विजयरत्न असंबरे, ऐतिहासिक नायिका हिसिला महर्जन, ऐतिहासिक आदिवासी जनजाति महानायक जय श्रेष्ठ, बरिष्ठ गायक जुजुकाजी रंजित व बरिष्ठ मेकअप आर्टिष्ट सनमकुमार श्रेष्ठपिन्त  व संसार मल्टिपर्पोज सम्मान नेवाः अनलाइनन्यूजया सम्पादक लिसें म्यूजिक भिडियो डिरेक्टर सम्पादक म्ये च्वमि ललेन्द्र शाक्ययात नं लःल्हागु खःसा संसार अल राउण्ड भोलिण्टियर अवार्ड उजय शाही , संसार मल्टि टेलेण्ट अवार्ड सुरज नापितयात लःल्हागु दु ।

थौं जूगु ज्याझ्वलय् फेसबुक प्रोफाइल पिक्सचर्सय् थूगु अवार्ड   नेपालभाषा स्टार म्यूजिक भिडियो अवार्डया टेम्लेट फ्रेम तयाः द्वःछिं मल्याक्क भ्यूअर्सं स्वयेत ताःलाःपिं कलाकार राजु महजृन व सरिता बज्राचार्ययात नं सिरपा ब्यूगु खः ।

थीथी विधाय् सिरपा लःल्हागु थ्व ज्याझ्वलय् उत्कृष्ट म्ये च्वमिया सिरपा लोककवि राजभाई नकःमि, म्येच्वमि हःपा सिरपा शैलेश बरे, भिडियो एडिटींग पाखेया हःपा सिरपा योबन शाक्य यात ब्यूगु दु ।

थ्यंमथ्यं खुघौतक जूगु थ्व ज्याझ्वलय् थीथी कलाकारपिन्सं हुलाप्याखं व म्ये नं न्ह्यब्वःयादीगु खः।

Categorized in कला