chetrapa55

म्युजिक खबरं थीथी विधाय् प्यंगु दर्जन अवार्ड लःल्हात

नेवा: अनलाइन न्युज | २०७६ मङ्सिर २१, शनिबार १५:४८:५४

च्यादँ न्ह्यःनिसें न्ह्यानावया च्वंगु संगीत ख्यःया सिरपा ज्याझ्वलय् थीथी  विधाय् करिब प्यंगु दर्जन अवार्ड लःल्हाना च्याक्वःगु म्युजिक खबर म्युजिक अवार्ड २०७६  क्वचाःगु दु ।

म्युजिक खबरया ग्वसालय् जूगु उगु ज्याझ्वलय् बरिष्ट गीतकार किरण खरेलयात २५ द्व न्यासः व नीन्यातका सहितया दीर्घ साधना सम्मान २०७६ पाखें हंगु खःसा  । नांजाम्ह संगीतकार आलोक श्री व लोकंह्वाम्ह म्येहालामि सिन्धु मल्लयात दशक स्रष्टा सम्मान लःल्हागु खः ।

अथे हे सिने पत्रकार विजयरत्न तुलाधर असंबरेयात न्याद्वः न्यासः व न्येन्यातका सहितया म्यूजिक खबर संगीत पत्रकारिता पुरस्कार व मेम्ह पत्रकार मणिराज गौतमयात ‘म्यूजिक खबर मोफसल संगीत पत्रकारिता पुरस्कार’ लःल्हागु  खः । थ्वहे ज्याझ्वलय् युवा प्रतिभा सम्मान गायक नवीन पौडेल व बाल प्रतिभा प्रोत्साहन सम्मान गायिका क्रिस्टिना श्रेष्ठयात लःल्हागु खः ।

थीथी ४०गु विधाय् धें धें बल्ला कथं सिरपा ब्यूगु थ्व ज्याझ्वलय्  तिम्रो मायाले‘म्येपाखें चिरञ्जिबी भण्डारी व  बासना‘म्येपाखें किस्ना आचार्य रोशनीयात धाःसा धेंधें बल्ला पाखेया मखसे  हःपाः कथं इन्करेजमेन्ट अवार्ड ब्यूगु खःसा ।  जुरी अवार्ड  माथी है लेकमा‘म्येपाखें प्रकाश गुरुङ्ग व शर्मिला गुरुङयात ब्यूगु खः । ज्याझ्वलय् थीथी कलाकारपिन्सं  हुलाप्याखं व म्ये न्ह्यब्वःयादीगु खःसा चेतन कार्की,यादव खरेल,प्रकाश सायमि,रत्नशमशेर थावा,उन्नती शिला बोहरा, संगीतकार शक्ति बल्लभ,विश्व बल्लभ , बसुन्धरा भुसाल लिसेलिसें चलचित्र विकास बोर्डया नायः केशव भट्टराइ विशेष पाहाँ कथं झायादीगु खः  ।

 

Categorized in कला