ad 2076 5 18

म्यान्चेस्टर सिटी फिफाया कारवाहीलय् लात

नेवा: अनलाइन न्युज | २०७६ श्रावण २९, बुधबार ११:३३:४९

विश्व फुटबल महासंघ –फिफां) इंग्लिस क्लब म्यानचेस्टर सिटीयात कारवाही याःगु दु ।

कासामि अनुबन्ध याःबलय् फिफाया नियम अःखः याःगु धासें फिफां कारवाही याःगु खः । नियम अःखः कासामि अनुबन्ध याःगु धासें फिफां सिटीयात ३ लख ७० हजार स्वीस फ्रान्क जरिवाना याःगु दु ।

फिफाया नियमय् १९ दँ च्वय् च्वंपिं कासामि जक अनुबन्ध यायेदइगु प्रावधान दु । तर म्यान्चेस्टर सिटीं धाःसा १८ दँया कासामिपिन्त अनुबन्ध याःगु धासें फिफां कारवाही याःगु खः ।

थ्वसिबे. न्ह्यः चेल्सीं नं म्हो उमेरया कासामिपिन्त अनुबन्ध याःगु द्वपनय् फिफापाखे. निदँ प्रतिबन्ध फयेमाःगु खः । तर सिटी धाःसा प्रतिबन्धपाखें बचेजूगु दु ।

Categorized in कासा