telecom 18 kartik 2076

मोहनी व नौरथया लसताय् ९ म्ह नकिं सम्मानित

नेवा: अनलाइन न्युज – विजयरत्न | २०७६ आश्विन १४, मंगलबार १६:२१:३१

खस नेपाली भाषा संकिपाया नांजाःम्ह नकिं रेजिना उप्रेतीया रेजिना फिल्म्स व नकिं विमला केसीया शहिद फिल्म्सया ग्वसालय् खस नेपाली संकिपा क्षेत्रया अग्रजनिसें समकालीन व न्हू पुस्तातकया ९ म्ह नकिंपिन्त विशेष सम्मान याःगु दु ।

थुगु दँया मोहनी व नौरथया लसताय् लाकाः सोमवाः बहनी छगू तःजिगु सम्मान समारोह दथुइ ९ म्ह नकिंपिन्त राष्ट्रिय नवदुर्गा सम्मान २०७६ पाखें सम्मानित याःगु खः ।

उपप्रधान व रक्षामन्त्री ईश्वर पोखरेलं सोमवाः बहनी येँया जमलय् च्वंगु नाचघरय् सांगितिक समारोह दथुइ उगु सम्मान लःल्हाःगु खः ।

उगु समारोहस सम्मानित जूपिं नकिंपिं नेपाली संकिपा क्षेत्रया न्हापांगु पुस्तापाखें न्हापांगु नेपाली संकिपा ‘आमा’य् अभिनय् याःपिं नकिंपिं भुवन चन्द व बसुन्धरा भुसालपिन्त सम्मान याःगु खः ।

नेपाली संकिपा क्षेत्रय् ब्यूगु विशिष्ट योगदानया कदरस्वरुप उपिं निम्ह नकिंयात नौरथाया लसताय् लाकाः नवदुर्गाया नामय् समर्पित सम्मानपाखें सम्मानित याःगु खः ।

Categorized in कला