ad 2076 5 18

मुद्दा दर्ता : रवि लामिछानेलिसें स्वम्ह विरुद्ध

नेवा: अनलाइन न्युज | २०७६ भाद्र ८, आइतबार १६:१०:५३

पत्रकार शालिकराम पुडासैनी आत्महत्या प्रकरणय् जिल्ला सरकारी वकिल ज्याकुथि चितवनं आत्महत्याय् दुरत्साहन याःगु कसूरय् मुद्दा दर्ता याःगु दु ।

जिल्ला प्रहरी ज्याकुथि चितवनं अनुसन्धान क्वचायेकाः आइतवाः हे प्रतिवेदन सरकारी वकिल ज्याकुथिइ लःल्हाःगु खः । व, अध्ययन लिपा टेलिभिजन ज्याझ्वः न्ह्याकामि रवि लामिछाने, उत्पादक युवराज कँडेल व नर्स अस्मिता कार्कीविरुद्ध अदालतय् आत्महत्याय् दुरुत्साहन याःगु कसूरय् मुद्दा पेश याःगु खः ।

अदालतया श्रेष्टेदार रुद्रमणि गिरीं मुद्दा दर्ता जूगु पुष्टि यासें बयानया ज्या न्ह्याःगु धाःगु दु । गिरीं धाःगु दु, “नकतिनि जक बयान न्ह्याःगु दु । न्हापां सुयात कायेगु धंगु खँ क्वमचाःनि ।”

आः अदालतय् सरकारी वकिलया मागया पक्ष व विपक्षय् थुनछेक बहस जुइ । लिपांगुखुसि, अदालतं साधारण तारेख, धरौटी वा पुर्पक्षया नितिं थुनाय् छ्वयेगु मध्ये छगू आदेश बिइफइ ।

Categorized in राजनीति