nepal lifef 2076 8 8

मरुसतःनाप नं स्वाः जनबहाः द्यः जात्रा !

२०७३ चैत्र २५, शुक्रबार १०:१५:३१

जनबहाः द्यः जात्रा गुलि पुलांगु खः धैगु खँय् आपालं अभिलेखय् च्वयातःगु दु, १७ औं शताब्दीया उत्तरार्द्धय् कान्तिपुरया जुजु लक्ष्मीनरसिंहया पालय् लगमय् जनबहाः द्यःया रथ सालाच्वंगु इलय् मरु गणेद्यःथाय् थ्यंबलय् अन कल्पवृक्ष छम्ह मनूया भेषय् वयाः स्वः वयाच्वंगु जुयाच्वन ।

रथय् च्वंम्ह छम्ह पुजारीं व मनूयात कल्पवृक्ष खः धकाः सीकल । उगु इलय् पुजारीं उम्ह मनूयात तन्त्रमन्त्र यानाः ज्वन व कल्पवृक्षयात गुबलेतक सिंया देगः दयेकाबी मखु उबलेतक मत्वःतेगु खँ धाल ।

थ्वया लिपा कल्पवृक्षं तःमाःगु सिमा छ्वया हयेगु बचं बिइधुंकाः त्वःता छ्वत । प्यन्हु लिपा कल्पवृक्षं तःमाःगु सिमा छ्वयाहल ।

जुजुया आज्ञा लिपा पुजारीं उगु सिमाया सिँपाखें मरुइ तःधंगु सतः दयेकल । गुगु सतःयात ‘मरुसतः’ व ‘सिंहसतः’ नं धायेगु याः । थ्व छमाः हे सिमाया सिँपाखें दयेकातःगु सतः खः ।

थ्व सतः मुक्कं छमाः हे सिमां सिँ जक छ्यलाः दयेकातःगु खः ।

(नेपाःया प्यम्ह प्रसिद्ध करुणामय लोकेश्वर सफूपाखें साभार)