ad 2076 5 18

मतिनामि हत्याः कल्पना लामां हत्या याःगु द्वपं

नेवा: अनलाइन न्युज | २०७६ आषाढ २६, बिहिबार १६:२२:०२

भाःतनाप जानाः थः मतिनामि हत्याया अभियोग मिसायात

कैलाली जिल्लाया चुरे गाउँपालिका–६ मड गांया कल्पना लामायात भाःतलिसे जानाः थः मतिनामि हत्या याःगु द्वपनय् प्रहरीं गिरफ्तार याःगु दु ।

भाःतलिसे जानाः थ्यंमथ्यं ४० दँया कमल कुँवरया हत्या याःगु प्रारम्भिक अनुसन्धानं सीदयेधुंकाः कल्पनालिसें वया भाःत लालबहादुर लामायात नं नियन्त्रणय् काःगु जानकारी इलाका प्रहरी ज्याकुथि (फलट्डे), कैलालीया प्रहरी निरीक्षक माधव विश्वकर्मां ब्यूगु दु ।

मजदूरीया नितिं उगु क्षेत्रय् थ्यंकूपिं गुल्मीया कुँवरया असार २२ गते हत्या जूगु खः । कुँवरया सीम्ह छेँनिसें ५० मिटर तापाक्क च्वंगु खुसिइ गाः म्हुयाः ल्हाकातःगु अवस्थाय् बिहिवाः लुयावःगु खः ।

Categorized in दुर्घटना-अपराध