raj medeya

भारतय् तच्वकं ताः न्वयाः प्यम्ह रेलयात्री सित

नेवा: अनलाइन न्युज | २०७६ जेठ २८, मंगलबार २१:२५:१९

भारतय् तच्वकं ताः न्वयाः निम्ह रेलयात्री सिइगु दु ।  राजधानी न्हू दिल्ली पाखें  झाँसी वनाच्वंगु केरला एक्सप्रेसय् रेल दुने प्यम्ह यात्रीत सिइगु मङ्गलबाः भारतीय अधिकारी व प्रत्यक्षदर्शी यात्रुतय्सं धाःगु दु ।।
थथे रेलयात्री प्यम्ह अत्यधिक ताःन्वगु कारण सिइगु खः । थथे सिइपिं मध्ये छम्ह ८१ दँया वृद्ध जुगु खँ सिइदुगु दु ।
भारतीय रेल सेवाया प्रवक्ता अजित कूमार सिंह एएफपीयात ब्यूगु जानकारी कथं रेल यात्रुत सिइगु व थुगु घटना अकल्पनीय व दुर्भाग्यपूर्ण जुगु धाःगु दु ।
भारतीय रेल सेवाया प्रवक्ता सिंह रेल झाँसी सःतिक थ्यनेवं छम्ह यात्रु विरामी जुल धकाः जिमित फोन वल तत्काल स्वास्थ्यकर्मी लिसें  वनाबलय् स्वम्ह सिइ धुंकल, छम्ह वासः यायेगु झ्वलय् सित ।”
उगु न्हिं उत्तर प्रदेशया झाँसीया तापक्रम ४५ डिग्री सेल्सियस दुगु खः । एएफपी

Categorized in अन्तर्राष्ट्रिय