telecom 18 kartik 2076

भगवान बुद्धया अस्थिधातु प्रतिस्थापन यात

नेवा: अनलाइन न्युज – विजयरत्न | २०७६ कार्तिक १, शुक्रबार १३:३३:१२

भगवान बुद्धया पवित्र अस्थिधातु यलया ज्याथाय् च्वंगु श्री पद्म वर्ण महायान विहारय् थापना याःगु दु ।

प्रदेश ल्याः ३ या सांसद शोभा शाक्ययात वर्ल्ड एलायन्स अफ बुद्धिष्ट नांयागु संस्थापाखें उपहारया रुपय् वःगु उगु पवित्र अस्थिधातु यल ज्याथाय उगु विहारय् प्रतिस्थापन याःगु खः ।

उगु ज्याझ्वलय् सांसद शोभा शाक्यं जानकारी ब्यूकथं वय्कलं थ्व नापं स्वक्वः भगवान बुद्धया पवित्र अस्थिधातु नेपालय् हयेधुंकूगु दु ।

संसारया ४० गू राष्ट्रया बुद्ध धर्मावलम्बीपिनिगु मंकाः संस्था वर्ल्ड एलायन्स अफ बुद्धिष्टपाखें वःगु उगु पवित्र अस्थिधातु सांसद शाक्यं दकले न्हापां यलया सुमंगल विहारयात बियादीगु खःसा थुगुुसी वय्कलं श्री पद्म वर्ण महायान विहारयात बियादीगु खः ।

थुगुसी वर्ल्ड एलायन्स अफ बुद्धिष्टया ताइवानपाखें उगु अस्थिधातु उपहार कथं ब्यूगु खःसा थ्वबिसें न्हापा छक्वः थाइल्याण्ड व छक्वः म्यान्मारपाखें उगु अस्थिधातु उपहार वःगु खः ।

थुकथं वःगु भगवान बुद्धया पवित्र अस्थिधातु  थौं शुक्रवाः सांसद शोभा शाक्यया यलया सौगलय् च्वंगु छेँनिसें हौगः, मंगः, नुगः, ओकुबहाःया लँपु जुयाः छगू शोभायात्रा यानाः ज्याथाय् थ्यंकाः क्वचायेकूगु खः ।

Categorized in स्थानिय-समाज