ad 2076 5 18

फोटो पत्रकार महर्जनं विष्णु–नाति फोटो पत्रकारिता सिरपा कोषयात छगू लख व नीन्याव्द दां लःल्हात

नेवा: अनलाइन न्युज | २०७६ भाद्र ८, आइतबार १६:१७:४४

दय्ँदसँ बहिद्यः ब्वइगु न्हि खुन्हू न्हाप, ल्यु, लियाँल्यु व सान्त्वना यानाः प्यम्ह फोटो पत्रकारयात हनीगु

नेवाः तजिलजि संरक्षण, संवद्र्धन व प्रवद्र्धन यायेगु तातुनाः फोटो पत्रकारया नेवाः तजिलजि किपाःयात सिरपा देछायेगु आजु तयाः वरिष्ठ फोटो पत्रकार एवम् नेवाः पत्रकार राष्ट्र्यि दबू ये कचाया पुलाम्ह नायः नातिकाजी महर्जनं अक्षय कोषया नितिं छगू लख व नीन्याव्द दाँ लःल्हाना दीगु दु ।
वरिष्ठ फोटो पत्रकार महर्जनं अक्षय कोषया नितिं उगु दाँ नकतिनि नीस्वंगु विष्णु–नाति सिरपा कोषया नायः सञ्चारकर्मी दानदास श्रेष्ठयात नेवाः पत्रकार राष्ट्र्यि दबू येँ कचाया शनिबाः जूगु न्याकःगु साधारण सभा व स्वकःगू अधिवेशनया दथ्वी मूपाहाँ यें महानगरपालिकाया मेयर विद्यासुन्दर शाक्य, विशिष्ट पाहाँ नेपाल ललितकला प्रज्ञाप्रतिष्ठानया उपकुलपति वरिष्ठ फोटो पत्रकार गोपाल चित्रकार व नेवाः पत्रकार राष्ट्र्यि दबूया केन्द्रीय नायः श्रीकृष्ण महर्जनया उपस्थितिइ लःल्हानादीगु खः ।
    वरिष्ठ फोटो पत्रकार नातिकाजी महर्जन नेवाः पत्रकार राष्ट्र्यि दबू यें कचाय् नायःया थःगु कार्यकाल सिधयेका शनिबाःनिसें निवर्तमान नायः जुयादीगु खः ।
झिंन्याव्दःदाँया उगु  सिरपा दय्ँदसँ बहिद्यः ब्वइगु न्हि खुन्हू न्हाप, न्हापल्यु, लियाँल्यु व सान्त्वना यानाः प्यम्ह फोटो पत्रकारयात हनीगु कोषया नायः श्रेष्ठं कनादिल ।
 

Categorized in नेवाः