nepal lifef 2076 8 8

प्रधानमन्त्री ओलीया ख्याच्वः, ‘त्रिविया कर्मचारीपिन्त कडा कारवाही यायेगु जुइ’

नेवा: अनलाइन न्युज | २०७६ आषाढ २५, बुधबार १७:४९:०१

प्रधानमन्त्री केपी शर्मा ओलीं गल्ती याइपिं त्रिभुवन विश्वविद्यालयया कर्मचारीपिन्त कडा कारवाही यायेगु ख्याच्वः ब्यूगु दु ।

त्रिभुवन विश्वविद्यालयया कुलपतितकं जुयाच्वंम्ह प्रधानमन्त्र ओलीं विश्वविद्यालयथें जाःगु पवित्र थासय् बेथिति दुतहइपिं व अनियमितता याइपिं सुं नं कर्मचारीपिन्त कडा कारवाही यायेगु धाःगु दु ।

त्रिभुवन विश्वविद्यालयया ६० क्वःगु पलिस्था दिवसया लसताय् बुधवाः येँय् ग्वसाग्वःगु प्राज्ञ सभाय् न्वःवासे प्रम ओलीं विश्वविद्यालयस गल्ती याइपिं कर्मचारीपिन्त सरकारं दण्डव बांलाःगु ज्या याइपिं कर्मचारीपिन्त सिरपाः बिइगु नं स्पष्ट याःगु दु ।

प्रधानमन्त्री ओलीं मुलुकया शिक्षा क्षेत्रयात विश्वय् हे धेंधेंबल्ला याये लायक यायेत सरकार प्रतिबद्ध जूगु नं धाःगु दु । प्रम ओलीं मुलुकया आवश्यकता कथं दक्ष्ँ जनशक्ति निर्माणय् अग्रसर जुइत नं फुक्क विश्वविद्यालययात आग्रहर याःगु दु ।

शिक्षा, विज्ञान व प्रविधिमन्त्री गिरिराजमणि पोखरेलं विश्वविद्यालयया छबि हे स्यंकेगु कथं गल्ती मयायेत विश्वविद्यालयया पदाधिकारीपिन्त सचेत याकूगु दु ।

मन्त्री पोखरेलं विश्वविद्यालय दुने कल्पनातकं यायेमफगु कथंया बेथिति दुहाँ वःगु न्ह्यथंसें दुःखः नं प्वंकूगु दु ।

बैठकय् विश्वविद्यालयया उपकुलपति प्रा.डा. तीर्थराज खनियां विश्वविद्यालयया वइगु नीति व ज्याझ्वः बारे जानकारी ब्यूगु खः ।

Categorized in राजनीति