nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

प्रकाशमान सिंहया उसायँ बांलात

नेवा: अनलाइन न्युज | २०७६ श्रावण २७, सोमबार १२:४०:४४

म्हं मफयाः अस्पताल भर्ना जूम्ह नेपाली कांग्रेसया नेता प्रकाशमान सिंहया उसायँ बांलानावःगु जानकारी चिकित्सकपिन्सं ब्यूगु दु ।

तसकं ज्वरो वयेधुंकाः ६३ दँया सिंह मेडिसिटी अस्पतालय् भर्ना जूगु खः । स्वास्थय परीक्षणया झ्वलय् युरिन इन्फेक्सन व हाई सुगर जूगु सीदूगु खः ।

च्यान्हुतक अस्पतालय् च्वनेधुंकाः उसायँ बांलानावःगु सिंहया ग्वाहालिमि यूपी लामिछानें जानकारी ब्यूगु दु । लामिछानें धाःगु दु, “उसायँ तसकं बांलानावःगु दु, सम्भव जूसा थौं सोमवाः हे मखुसा मंगलवाः कन्हय् अस्पतालं डिस्चार्ज याइ जुइ ।”

ज्वरो वयेधुंकाः प्यन्हुतक छेँय् हे आराम याःसां नं क्वमलाःबलय् सिंहयात अस्पताल यंकूगु खः । सिंहयात डा. मिम िगिरीया नेतृत्वया पुचलं वासः यानाच्वंगु दु ।

येँ क्षेत्र नम्बर १ या सांसद तक. जूम्ह प्रकाशमान सिंह अस्पताल भर्ना जूगु जानकारी वयेधुंकाः कांग्रेस सभापति शेरबहादुर देउवालिसेंया नेतापिं सिंहयात नापलायेत अस्पताल थ्यंकूगु खः ।

अथेहे, कार्यबाहक प्रधानमन्त्री ईश्वर पोखरेलं फोन यानाः व राष्ट्रियसभाया नायः गणेश तिमिल्सिना, परराष्ट्रमन्त्री प्रदीप ज्ञवाली, सामान्य प्रशासनमन्त्री लालबाबु पण्डित, नेकपाया नेता वामदेव गौतमलिसेंया नेतापिन्सं नापलानाः उसायँ बारे जानकारी काःगु खः ।

Categorized in राजनीति