nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

प्यंगू गुणा कर अप्वयेकूगु धासें निजी क्षेत्रं यात सरकारया विरोध

नेवा: अनलाइन न्युज | २०७६ श्रावण १९, आइतबार १५:४४:४०

उद्योगी, व्यवसायीपिन्सं कर बृद्धि याःगु धासें सरकारया आलोचना याःगु दु ।

नेपाल उद्योग वाणिज्य महासंघया न्वकू किशोरकुमार प्रधान, नेपाल चेम्बर अफ कमर्शया नायः राजेशकाजी श्रेष्ठ व नेपाल उद्योग परिसंघया नायः सतिशकुमार मोरं चालू आर्थिक दँपाखें सरकारं कर छक्वलं हे प्यंगू गुणा अप्वः जुइगु कथं बृद्धि याःगु दाबी यासें आलोचना याःगु खः ।

आइतवाःनिसें यलय् न्ह्याःगु व्यवस्थापन गोष्ठीइ न्वःवासें नेपाल चेम्बर अफ कमर्शया नायः राजेशकाजी श्रेष्ठं स्थानीय तहलय् तकं व्यवसायीपिं करया दोहोरो मारय् लाःगु धासें सरकारया ध्यानाकर्षण याकूगु खः । श्रेष्ठं करया दायरा अप्वयेकेगु अभियानय् धाःसा सरकारयात साथ बिइगु प्रतिबद्धता प्वंकादिल ।

नेपाल उद्योग परिसंघया नायः सतिशकुमार मोरं कर मैत्री वातावरण दयेकेत सरकारयाके माग याःगु दु । वय्कलं व्यवसायीपिन्त हतोत्साही जुइगु कथं करया व्यवस्था सरकरां यायेमज्यूगु नं स्पष्ट याःगु खः ।

नेपाल उद्योग वाणिज्य महासंघया न्वकू किशोरकुमार प्रधानं सरकारं चालू आर्थिक दँनिसें कर बृद्धि यानाः व्यवसायीपिन्त मारय् लाकूगु धासें तत्काल चीकेत माग याःगु दु ।

वय्कलं व्यवसायया नितिं चर्को व्याजदरया हुनिं मुलुकया उद्योगधन्दा फस्ते जुइगु अवस्था मदूगुपाखे नं सरकारया ध्यानाकर्षण याकूगु खः ।

न्वकू प्रधानं करया दायरा अप्वयेकेगु ज्याय् धाःसा महासंघं सरकारयात फक्व ग्वाहालि यायेगु नं धाःगु दु ।

Categorized in बजाः