raj medeya

पेट्रोलया भाः छतका दां कुहाँवन

नेवा: अनलाइन न्युज | २०७६ जेठ २२, बुधबार २०:१२:२५

नेपाल आयल निगमं पेट्रोल भाः प्रतिलिटर छतका दां क्वकाःगु दु ।
पेट्रोलियम पदार्थया स्वचालित मूल्य प्रणाली कार्यान्वयन कार्यविधि, २०७१’ कथं थौं बहनि १२ बजे निसें लागू जुइगु कथं पेट्रोलया भाः थथे प्रतिलिटर छतकाया दरं समायोजन यानाःगु निगमं न्हयथंगु दु ।
मूल्य समायोजन लिपा आः पेट्रोलया न्हूगु भाः ११० प्रतिलिटर कायम जुगु दु । भारतीय आयल कर्पोरेशन पाखें यही जेठ १८ गते न्हूगु मूल्यसूचीइ पेट्रोलियम पदार्थ भाः क्वपाल वंगुलिं समायोजन यानाःगु निगमया  उपनिर्देशक विनितमणि उपाध्यायं जानकारी ब्यूगु दु ।
डिजल, मट्टितेल, हवाई इन्धन व एलपी ग्यासया भाः धाःसा यथावत् जुगु खँ निगमं न्ह्यथंगु दु ।

Categorized in बजाः