nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

पूर्व एमालेदुने विवाद : मू खँ मजदुर, महिला व युवा विभाग, सचिवालय बैठक धुवांधु स्थगित

नेवा: अनलाइन न्युज | २०७६ श्रावण २९, बुधबार १४:५२:२२

सत्तारुढ नेपाल कम्युनिष्ट पार्टी (नेकपा)य् मेमेगु विभाग बारे नं विवाद ब्वलंगु दु ।

तत्कालीन एमाले व माओवादी दथुइ स्कूल विभागबाहेक मेमेगुया भागबण्डा क्वचाःसां नं सुयात प्रमुख यायेगु धैगुलि विवाद ब्वलंगु खः ।

स्रोतया कथं थ:गु भागय् लाःपिं विभागीय प्रमुखपिं क्वचायेकेत पूर्व एमालेपाखे. सचिवालयस दूगु खुम्ह नेताया बैठक मंगलवाः बालुवाटारय् च्वंगु खः ।

तर युवा, महिला व मजदुर विभागयात कयाः विवाद ब्वलंगु दु । नेकपा नायः व प्रधामनन्त्री केपी शर्मा ओलीं मजदुरय् विष्णु रिमाल, युवाय् महेश बस्नेत व महिला विभाग प्रमुखय् गोमा देवकोटाया नां न्ह्यःने हःगु खः ।

निगू पार्टीया भागबण्डाय् मजदुर विभाग पूर्व माओवादीया भागय् लाःगु खः तर प्रधानमन्त्री ओलीं एमालेय् हयाः उकिया प्रमुख थः सल्लाहकार तकं जुयाच्वंम्ह रिमालयात दयेके चाहेजूगु दु । माधवकुमार नेपाल पक्षं धाःसा असहमति प्वंकूगु दु ।

विवाद अप्वयेधुंकाः प्रधानमन्त्री ओलीं पूर्वएमाले नेतापिनिगु बेठक हे मतयेगु धाःगु दु । लिसलय् नेता नेपालं स्थायी कमिटीइ सहलह यायेनु धाःगु स्रोतया दाबी दु ।

यदि पूर्व एमाले दुने विभागीय प्रमुखपिं क्वचाःगु जूसा बुधवाः सचिवालय बेठक च्वनीगु तयारी दूगु खः । तर बुधवाः सुथय् मेम्ह नायः प्रचण्डलिसे जूगु नापलाये ज्याय् ओलीं गृहकार्य मगाःगु धासें बेठक लिछ्यायेत आग्रह याःगु खः ।

सचिवालय बैठक बिहिवाः जक च्वनीगु जूगु दु ।

नेकपाय् स्कूल विभागयात कयाः थ्वसिबें न्ह्यः हे विवाद जूगु खः । सुरुइ पूर्व माओवादीं नारायणकाजी श्रेष्ठ व पूर्व एमालेपाखें ईश्वर पोखरेलया दाबी जूगु खः । तर निम्ह नेताया नामय् विवाद जुइधुंकाः उगु विभागय् ८ म्ह नेताया दाबी लाःगु खः ।

Categorized in राजनीति