ad 2076 5 18

पाँचथर सामुहिक हत्याकाण्डः मेगु प्रमाण नं लुल

नेवा: अनलाइन न्युज | २०७६ जेठ १२, आइतबार १४:१४:५९

पाँचथर जिल्लाया मिक्लाजुङ–३ आरुबोटेय् गुम्ह मनूया ज्यान वनेगु कथं जूगु हत्याकाण्डय् दोषी आशंका यानातःम्ह मानबहादुर माखिमया छेँ व आत्महत्या याःगु थासय् थप मेगु प्रमाण लुयावःगु प्रहरीं जानकारी ब्यूगु दु ।

मानबहादुर हत्याकाणडय् स्याःम्ह बमबहादुर फियाकया कान्छाम्ह जिलाजं खः । मानबहाुर वंगु मंगलवाः सिमाय् यःयाना आत्महत्या याःगु अवस्थाय् लुयावःगु खः ।

मानबहादुरया मिक्लाजुङ–७ य् च्वंगु छेँ व आत्महत्या याःु थासं थप मेगु प्रमाण बरामद याःगु पाँचथर प्रहरी प्रवक्ता प्रहरी निरीक्षक अनिलकुमरा पौडेलं धाःगु दु ।

घटनाबारे थप अनुसन्धान यायेगु झ्वलय् मानबहादुर माखिमया छेँपाखें हि किनाच्वंगु टिशर्ट व वं आत्महत्या याःबलय् छ्यःगुथें ज्वःलाःगु खिपः लुयावःगु प्रहरी प्रवक्ता पौडेलं धाःगु दु ।

अथेहे, हत्याराया शंका यानातःम्ह मानबहादुर माखिमं आत्महत्या याःगु थासं तकं एनसेलया छगू सिमकार्ड बरामद याःगु धाःगु दु ।

राजधानी राष्ट्रिय न्हिपौपाखें

Categorized in पत्रपत्रिका