nepal life 2076 3 18

Error message

Deprecated function: The each() function is deprecated. This message will be suppressed on further calls in _menu_load_objects() (line 579 of /home/newahub/public_html/includes/menu.inc).

पवन जोशीया ‘मतिनां’ थीत्यः मत्यःया अन्त्य याइगु !

नेवा: अनलाइन न्युज – ललेन्द्र शाक्य | २०७६ श्रावण २२, बुधबार १३:५४:५०

‘मतिना’, धायेवं हे नुगः याउँसे च्वनीगु खँग्वः खः । थ्वहे मतिनायात कयाः नांजाःम्ह बरिष्ठ कलाकार, च्वमिलिसें निर्देशक पवन जोशीं किपूया धुँ देय् प्रोडक्सनया लुखां ‘मतिना’ नांया चिहा संकिपा निर्माण याःगु दु ।

थौंकन्हय्या २१ औ शताब्दीया ई खः, थुज्वःगु इलय् नं आःतक जातीय विभेद दहे दनी व उगु हे जातीय विभेद अन्त्य यायेगु आज्जु ज्वनाः जातीय विभेदया चरमताया विषयया हे लिधंसा कयाः थीत्यः मत्यःया अन्त्य यायेत ‘मतिना’ चिहा संकिपा निर्माण यानागु जानकारी निर्देशक पवन जोशीं नेवाः अनलाईनन्यूजयात जानकारी बियादीगु दु ।

चिहा संकिपा ‘मतिना’या निर्देशकलिसें पटकथा संवाद च्वमि व बरिष्ठ कलाकार पवन जोशीं धयादी, “सकस्यां स्यू मतिना धैगु माया–प्रेम खः । मतिनां हे जातीय विभेदयात न्हंकेफइ धैगु सामाजिक सन्देशयात कःघानाः थुगु चिहा संकिपा निर्माण यानागु खः । भलसा दु, थ्व मतिना समाजया नितिं सकारात्मक मतिना जुयाः समाज हिउपाः वइगुलि जि व जिगु युनिट विश्वस्त जुयागु दु ।”

श्रीकृष्ण ज्यापुं बाखं च्वयादीगु चिहा संकिपा ‘मतिना’य् प्याखंच्वमि निर्माता रामकृष्ण धिना, राजी किपू, अनु महर्जन, साहित्यकार च्वमि लक्ष्मीकुमार महर्जन उदास, मिनाकुमारी महर्जन, चन्दा श्रेष्ठ व नेपाःया न्हापांम्ह स्टुडियो मिसा फोटोग्राफर रञ्जना जोशीया अभिनय दुथ्याःगु जानकारी निर्देशक पवन जोशीं बियादीगु दु ।

‘मतिना’ चिहा संकिपाया क्यामेरा पर्सन राजेश शाक्य खःसा सम्पादन व मिक्सिङया भाला नं राजेश शाक्यं हे कुबियादीगु दु ।

बरिष्ठ कलाकार निर्देशक च्वमि किपूया पवन जोशीं आपालं संकिपा निर्माण यानादीगु दुसा आपालं संकिपाय् म्हितादीगु दु । न्हापा किपुली दबू प्याखंनिसें नांजाःम्ह पवन जोशीं थौंतक नं कलाकारिता ख्यलय् सक्रिय रुपं पलाः न्ह्याकाच्वनादीगु दु ।

Categorized in कला